Osea 6
6
Miverina amin’i Iaveh i Israely fa tsy maharitra
1Andeha isika hiverina amin’i Iaveh;
2fa Izy no namiravira, Izy no hahasitrana antsika;
mikapoka Izy, nefa hamehy ny ferintsika koa.
3Rehefa afaka indroa andro#6,3 Rehefa afaka indroa andro. Amin’ity andininy ity, i D. Calmet, dia milaza hevitra marina sy zava-dehibe. Ny tena hevitry ny mpaminany eto, hoy izy, dia tsy mikasika velively ny vahoaka Hebrio. Koa noho izany, hoy izy, tsy ilaina akory ny mikaroka ao amin’ny Soratra Masina izany indroa andro hahaveloman’ny Hebrio izany, na ny andro fahatelo hitsanganany ho velona indray. Ny lazain’i Osea eto, hoy izy, dia ny fitsanganan’ny olo-marina, izay navotan’ny Ran’i Jesoa Kristy, ho velona avy any amin’ny maty. Ny tena ambarany miharihary anefa, dia ilay fitsanganan’ny Mpanavotra izay nahavelona antsika, tamin’ny isika fony mbola matin’ny fahotantsika, ary nanangana antsika ka nametraka antsika any an-danitra (Ef 2,5-6). Tamin’ity andininy fahatelo ity indrindra koa no nakan’ny Apôstôly teny tamin’ilay nilazany hoe: Dia nalevina Izy, ary nitsangan-ko velona avy any amin’ny maty tamin’ny andro fahatelo, araka ny Soratra Masina (1Kôr 15,4). Ka ny toy izany no nandraisan’ny Rain’ny Eglizy sy ny ankabeazan’ny mpivaofy ny Soratra Masina mandrakariva ny hevitr’io teny io. dia hataony velona indray isika;
amin’ny andro fahatelo dia hatsangany isika,
ka ho velona eo anatrehany.
Mahalalà isika, mikeleza aina
hahalala an’i Iaveh isika.
Mahatoky, toy ny an’ny maraina, ny fiposahany;
ary ho avy amintsika toy ny tandrifin-drahona
toy ny fara orana manamando ny tany.
4Inona no hataoko aminao#6,4 Inona no hataoko aminao? Eto, dia i Iaveh no miteny amin’ireo vahoakany, milaza fa ny fibebahan’izy ireo, dia tsy haharitra fa tahaka ny rahona maraina sy ando izay hanjary ho etona, ka tsy ho hita intsony raha efa miposaka ny masoandro, izany hoe: raha efa tonga ny fakam-panahy izay hitarika azy ireo amin’ny fitondran-tena ratsy sy amin’ny fanompoan-tsampy, dia hivadika imaso, toy ny tandrok’ondralahy izy ireo., ry Efraima?
Inona no hataoko aminao, ry Jodà?
Fa ny fitiavam-bavakareo dia tahaka ny rahona maraina,
tahaka ny ando amin’ny maraina ka levona vetivety.
5Noho izany nataoko potika, tamin’ny tenin’ny mpaminany,
novonoiko tamin’ny tenin’ny vavako izy ireo;
toy ny mazava miposaka no ho fitsarana anao.
6Fa ny fitiavam-bavaka no sitrako fa tsy ny sorona;
ary ny fahalalana an’Andriamanitra mihoatra noho ny sorona dorana.
Helok’i Israely taloha sy ankehitriny
7Nivadika ny fanekena, tahaka an’i Adama, anefa izy ireo;
fa nivadika tamiko teo.
8I Galaada dia tanànan’ny mpanao ratsy,
sady isehoan’ny mariky ny ra#6,8 I Galaada isehoan’ny mariky ny ra: Noho ny vonoana olona tsy nisy farany nataon’ny mponina. nalatsaka.
9Mova tsy ny andian-jiolahy manao otrika,
ny andia-mpisorona mamono olona,
eo amin’ny lalana mankany Sikema#6,9 Lalana mankany Sikema: Ilay lalana mamaky an’i Palestina avy any avaratra no mianatsimo ka mandalo an’i Sikema. Io lalana io no alehan’ny mpandranto sy ny olona izay mandeha mankalaza ny fetin-tsampy any Betela.;
fa mahavita heloka be vava izy ireo.
10Zava-mahatsiravina no hitako teo amin’ny taranak’i Israely;
fa ao no ijangajangan’i Efraima,
sy andotoan’i Israely tena.
11Ianao koa, ry Jodà, misy fijinjana voatendry ho anao,
raha avy izay hamoriako ny vahoakako avy amin’ny fahababoana.
Voafantina amin'izao fotoana izao:
Osea 6: MBC
Asongadina
Hizara
Mampitaha
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.