Ezekiela 9
9
Ny sazy
1Dia niantso mafy teo an-tsofiko Izy nanao hoe: «Manatòna ianareo, mpiambina ny tanàna; samia mitondra ny enti-mandrava eny an-tanany avy.» 2Ka indreo, avy tamin’ny lalan’ny vavahady ambony#9,2 Vavahady ambony: vavahadin’ny mpisorona, izay avoavo kokoa, satria io no idirana ao amin’ny kianja anaty, raha avy eo amin’ny kianja ivelany. mitodika mianavaratra, nisy lehilahy enina#9,2 Lehilahy enina. tandindon’ireo Kaldeanina izay tsy maintsy niditra tao Jodea avy tao avaratra (Jer 1,13-14)., samy nitondra teo an-tanany ny zavatra enti-mamely; ary nisy lehilahy anankiray#9,2 Nisy lehilahy anankiray. Izany lehilahy fahafito mitafy rongony madinika, tahaka ny fitafian’ny mpisorona lehibe amin’ny andro fety fanaovana fanatitra noho ny ota izany, dia iraka fiadanana sy indrafo. teo afovoan’izy ireo, nitafy rongony fotsy madinika, sy nitondra fombam-panoratan’ny mpanoratra, teo amin’ny fehinkibony. Niditra izy ireo, dia nitsangana teo anilan’ny ôtely varahina.
3Ary ny voninahitry ny Andriamanitr’i Israely, niakatra avy teo ambonin’ny Kerobima izay nitoerany, nankeo an-tokonam-baravaran’ny trano. Ary i Iaveh niantso an’ilay lehilahy mitafy rongony fotsy madinika sy nitondra fombam-panoratana teo amin’ny fehinkibony, 4ka hoy i Iaveh taminy hoe: «Mandehana mamaky ny tanàna, mamaky an’i Jerosalema, ka asio marika Tao#9,4 Tao: Io teny io, dia litera farany indrindra amin’ny abidy hebrio. Nanaovana mari-javatra izy io na tanambokovoko, ary natao solon-tsonian’izay tsy mahay manoratra. ny handrin’ny olona misento sy mitaraina#9,4 Olona misento sy mitaraina: Ny Israelita olo-marina izay nalahelo noho izany fahavetavetana izany, dia voamarika tamin’izany famantarana izany, ka dia nahazo fiarovana manokana tamin’Andriamanitra., noho ny fahavetavetana rehetra atao ao.» 5Dia hoy koa Izy tamin’iretsy sasany, teo an-tsofiko: «Mandehana manaraka azy, mamaky ny tanàna, ianareo, ka mameleza, aza miantra ny masonareo, aza mamindra fo ianareo. 6Na anti-dahy na zazalahy, na zazavavy, na zaza, na vehivavy: vonoy mandra-paharingany avokoa; fa izay misy ny Tao ao aminy kosa, aza hatoninareo. Ary eo amin’ny fitoerako masina, manomboka#9,6 Amin’ny fitoerako masina manomboka: Izany hoe, amin’ny mpisorona izay ao amin’ny kianjan’ny tempoly; na hoe angamba amin’izay rehetra maniratsira ny tempoly noho ny fanompoan-tsampiny..» Dia nanomboka tamin’ny anti-dahy teo anoloan’ny trano izy ireo. 7Ary hoy Izy taminy: «Lotoy ny trano#9,7 Lotoy ny trano: Izany hoe, ny tempoly, amin’ny fametrahana fatin’olona ao (ampitahao amin’ny Fanis 19,11).; fenoy faty ny kianja. Mivoaha ianareo!» Dia nivoaka namely tao an-tanàna izy ireo. 8Nony namely izy ireo, ka izaho irery no sisa teo, dia niankohoka aho, sady nitaraina hoe: «Indrisy! Iaveh Tompo ô! dia haringanao avokoa va ny sisa amin’i Israely, amin’izao ampidinanao ny hatezeranao amin’i Jerosalema izao?» 9Ary hoy Izy tamiko: «Lehibe dia lehibe indrindra ny heloky ny taranak’i Israely sy i Jodà. Feno ran’olona ny tany, feno tsy fahamarinana ny tanàna, fa hoy izy ireo: Afoin’i Iaveh ny tany; tsy mahita na inona na inona i Iaveh. 10Izaho koa, dia tsy hiantra ny masoko; ary tsy hamindra fo Aho; hatsingeriko amin’ny lohany, izay nataony#9,10 Hatsingeriko...izay nataony: Halatsako amin’izy ireo ny loza izay nohantsin’ny fitondran-tena ratsin’izy ireo..»
11Dia indro tamy ilay lehilahy mitafy rongony fotsy madinika nitondra fombam-panoratana teo amin’ny fehinkibony, nilaza ny nataony, nanao hoe: «Vitako izay nandidianao ahy.»
Voafantina amin'izao fotoana izao:
Ezekiela 9: MBC
Asongadina
Dika mitovy
Mampitaha
Hizara
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.