Ezekiela 8
8
Fahitana ny fahotan’i Israely indray
1Tamin’ny taona fahenina#8,1 Taona fahenina: Taona fahenin’ny nanaovana sesitany an’i Ezekiela niaraka tamin’i Jekôniasa tany Babilôna., andro fahadimin’ny volana, volana fahenina#8,1 Volana fahenina; Aogositra-Septambra., raha ilay nipetraka tao an-tranoko iny aho, ary nipetraka teo anatrehako ny loholon’i Jodà, dia nilatsaka tamiko ny tanan’i Iaveh Tompo. 2Ary nahita aho, ka indro, nisy endrika nitarehin’afo; ka ny hatramin’izay niseho ho valahany no ho midina, dia afo; ary ny hatramin’ny valahany no ho miakatra, dia mitarehin-java-mazava hoatra ny metaly, no fijery azy. 3Nisy tarehin-tanana natsotrany, dia noraisiny tamin’ny volondohako miolikolika aho, ka naingain’ny Fanahy ho eny anelanelan’ny tany aman-danitra, sy nentiny, tamin’ny fahitana avy amin’Andriamanitra, ho any Jerosalema, teo anoloan’ny vavahady anatiny, ilay nitodika mianavaratra, misy ny sampin’ny fialonana#8,3 Ny sampin’ny fialonana: Andriamanitra dia Andriamanitra saro-piaro; izany hoe tezitra Izy raha miodina mankany amin’ny sampy ny vahoakany., mamelona fialonana. 4Ary indro teo ny voninahitr’Andriamanitr’i Israely; ary ny fijery azy dia tahaka ilay nahitako azy, tany amin’ny lohasaha.
5Hoy izy tamiko: «Ry zanak’olona, atopazo mianavaratra ny masonao.» Dia natopiko mianavaratra ny masoko, ka indro, teo avaratry ny vavahadin’ny ôtely, eo amin’ny fidirana, nisy ilay sampin’ny fialonana#8,5 Sampin’ny fialonana: I Baala na i Astarte izany, fa napetraka teo anatin’ny tempoly ny sarin’ireo sampy ireo. io. 6Ary hoy izy tamiko: «Ry zanak’olona, hitanao va ny ataon’izy ireo, dia izato fahavetavetana lehibe ataon’ny taranak’i Israely eto, mba hanalavirako ny fitoerako masina? Mbola hahita fahavetavetana lehibe hafa koa ianao.»
7Dia nentiny ho eo am-bavahadin’ny kianja aho, ka nahatazana aho: ary indro nisy loaka anankiray teo amin’ny rindrina. 8Ary hoy Izy tamiko: «Ry zanak’olona, gorobahy ny rindrina.» Dia nogorobahako ny rindrina, ka indro nisy varavarana teo. 9Ary hoy izy tamiko: «Avia, jereo ireto fahavetavetana mahatsiravina ataony eto.» 10Dia niditra aho, ka nahita, ary indro, voasoratra teo amin’ny rindrina manodidina avokoa, ny sarin’ny biby mandady#8,10 Sarin’ny biby mandady. Ny biby ivavahan’ny Ejiptianina angamba izany, ka ny sariny voasoratra ao amin’ny rindrin’ny tempoly ka nandoto azy. amam-biby maloto isan-karazany, mbamin’ny fahavetavetan’ny taranak’i Israely rehetra. 11Ary nisy 70 lahy#8,11 70 lahy. Angamba izy ireo dia fikambanan’ireo mpanolo-tsaina tao amin’ny Jody izay atao hoe Sanedrìna., amin’ny loholon’ny taranak’i Israely, ka anisan’ireo i Jezoniasa#8,11 Jezoniasa: Izy angamba no filohan’izy 70 lahy. zanak’i Safàna#8,11 I Safàna: Dia tandapa sady mpanoratra tamin’ny andro nanjakan’i Josiasa (2Mpa 22,3 sy ny manaraka)., ary nitsangana teo anoloan’izany sary izany ireo; samy nanana ny fanembohany teny an-tanany avy, ka nisondrotra avy eo ny hanitry ny emboka nijofo. 12Dia hoy Izy tamiko: «Hitanao va, ry zanak’olona, ity ataon’ny loholon’ny taranak’i Israely ao amin’ny maizina, samy anatin’ny efitranony feno sary avy? Fa hoy izy ireo: Tsy mahita antsika i Iaveh; efa nandao ny tany i Iaveh#8,12 Efa nandao ny tany i Iaveh. Ny loholon’i Israely samy mivavaka amin’ny sampy ao amin’ny efitranon’ny tempoly avokoa, sady nanao hoe: Efa nilaozan’i Iaveh izahay ka andeha hanompo andriamani-kafa..» 13Ary hoy koa izy tamiko: «Mbola ho hitanao ny fahavetavetana lehibe hafa, ataon’izy ireo.»
14Dia nentiny aho, ho eo anoloan’ny vavahady, mitodika mianavaratra, amin’ny tranon’i Iaveh, ka indreo, ny vehivavy nipetraka teo#8,14 Ny vehivavy nipetraka teo: Manao toetry ny mpisaona, mankalaza ny fahafatesan’ny sampy Adonisa., mitomany an’i Tamoza. 15Ary hoy Izy tamiko: «Efa hitanao va, ry zanak’olona? Mbola hahita fahavetavetana hafa lehibe noho izany, ianao.»
16Tamin’izay, nentiny aho, ho ao amin’ny kianja anatiny amin’ny tranon’i Iaveh, ary indro fa teo amin’ny fidirana ho ao amin’ny tranon’i Iaveh ao anelanelan’ny alo-baravarana sy ny ôtely, nisy lehilahy sahabo ho 25#8,16 Lehilahy sahabo ho 25. Ireo 25 lahy ireo dia manambara ny mpisorona; fa nisy antokon’ny mpisorona 24, ary ny mpisorona lehibe no nitarika azy. Nivavaka tamin’ny sampy izy ireo, niamboho an’i Iaveh., niamboho ny tempolin’i Iaveh, nitodika niantsinanana, ary niankohoka niantsinanana teo anoloan’ny masoandro. 17Ka hoy izy tamiko: «Efa hitanao va, ry zanak’olona? Mbola tsy ampy ihany va ho an’ny taranak’i Jodà ny manao izao fahavetavetana ataony eto izao, no mbola fenoiny fampahoriana koa ny tany; ka niverenany hatao lalandava izay hampahatezitra Ahy? Indro izy ireo manainga ny rantsan-kazo ho eo amin’ny orony. 18Ary Izaho koa hamely an-katezerana; tsy hiantra ny masoko; tsy hamindra fo Aho; hitaraina mafy eo an-tsofiko izy ireo, kanefa tsy hohenoiko akory.»
Voafantina amin'izao fotoana izao:
Ezekiela 8: MBC
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Baiboly Katolika © La Société Biblique Malgache, 2003.