Matayo 18
18
Akira okubba owa kitiinisya
(Mak 9:33-37,42-48; Luk 9:46-48)
1Omu kaire ako, abeegesebwa ni baiza egiri oYesu, ni bamubuulya bati, “Ale naani asinga okubba owakitiinisya omu bukama obwa mwiguru?”
2Awo oYesu nʼayeta omwana omuto, nʼamwemeerya akati waabwe, 3nʼakoba ati, “Kambakobera amananu, ni mutaayinduke ni mubba nkʼabaana abato, timulingira mu bukama bwa mwiguru. 4Olwʼekyo na buli eyeeculeerya nkʼomwana oni omuto, niye asinga okubba owakitiinisya omu bukama obwa mwiguru. 5Era buli atangiira omwana nkʼoni oku lwange, abba ataangiriire ninje. 6Baitu buli alikolesya ekibbi omwei oku bato bani abannyikiriza, asemeire okubbwebwa emengo omwikoti anagibwe mu nyanja akati. 7Ensi ya kubonaabona olwʼebyo ebinaga abantu omu kibbi. Ebyo tibirigaana kubbaawo, baitu omuntu abireeta, wa kubonaabona.
Ebyoyeerya abantu okukola ekibbi
(Luk 17:1-2)
8“Omukono gwamu oba okugulu kwamu nikukukolesya ekibbi, kutemeku otunge obwomi obutawaawo, noli wa mukono gumwei oba wa kugulu kumwei, okusinga nʼosigalya emikono gikali ebiri oba amagulu gakali abiri, baitu nʼonagibwa omu muuro ogutalikira.#Mat 5:30 9Era eriiso ryamu nirikukolesya ekibbi, riiyemu orinageyo. Kisai okutunga obwomi, noli wa riiso rimwei, okusinga nʼosigalya amaiso gakali abiri, baitu nʼonagibwa omu kifo ekyakuwerekeera, omu omuuro ogutalikira.”#Mat 5:29
Olufumo lwa ntaama eyabuure
(Luk 15:3-7)
10OYesu ni yeeyongera nʼabakoba ati, “Mwegendereze obutagayanga gonze omwei oku bato bani. Kambakobere, omwiguru abamalaika baabwe bulinca babba omu maiso ga Ite wange ali omwiguru. 11OMwana wa Muntu yaizire okucungura abaabuure.#18:11 Ebiwandiiko ebimwei ebyairai tibirina lunyiriri luni.
12“Mukulowooza mutyai? Omuntu nabba nʼentaama zaamwe ekikumi, omwei oku zo nabula, taleka ekyendai nʼomwendai omwiriisiryo,#18:12 Omwiriisiryo Ebiwandiiko ebindi bikoba ku lusozi. nʼayaba nʼatoolya oyo abuure? 13Kambakobere amananu, namubona omwei oyo, asemeerwa muno, okusinga olwa zidi ekyendai nʼomwendai ezitaabuure. 14NʼoIte waanywe ali omwiguru nimwo atyo atayendya gonze omwei oku bato bani okuwerekeera.”
Owaluganda akukola okubbi
15OYesu ni yeeyongera nʼabakoba ati, “Owaluganda nakukola ekibbi, yaba gyali omukobe nimuli nywenkai, we naye. Nakuwura, obwo obba noirye owaluganda oyo. 16Baitu natakuwura, irayo gyali nʼomuntu owondi omwei oba babiri, obwo ‘buli kigambo leke kikakate niwaliwo abajuurwa babiri oba basatu,’#Tek 19:15 nkʼebyawandiikiibwe nibikoba. 17Nagaana okubawura, obwo manyisya ekanisa. Nagaana okuwura ekanisa, mwakalye nkʼatalina kwikiriza, era nkʼomusoroorya wa musolo.”
Okubbwa nʼokusandabula
18OYesu ni yeeyongera nʼabakoba ati, “Nkubakobera amananu; kyona kyona kyemulibbwa oku nsi, kiribbwebwa omwiguru. Era kyona kyemulisandabula oku nsi, kirisandabulwa omwiguru. 19Era kambakobere; ababiri oku nywe nibeeyimbya oku nsi, ni babbaaku kyebakusaba oIte wange ali omwiguru, alikibakoora. 20Kubba ababiri oba abasatu nibabba bakumbaine omwibara ryange, njeena mba amwei nabo.”
Olufumo lwa mwiru atasaasira
21Awo oPeetero nʼayaba awali oYesu, nʼamubuulya ati, “Mukama, omuganda wange niyaakunkolanga ekibbi, naakumusaasiranga emirundi gingai? Emirundu musanju?”
22OYesu nʼamwiramu ati, “Tinakukobe emirundi musanju, baitu musanju emirundi nsanju.
23“Obukama bwa mwiguru nikyo buzwa bwisanisibwa nʼomukama, eyayenderye okubona engeri abaweereza baamwe gyebaakoleseryemu empiiya zeyabakwatisirye. 24Niyatandikire okubala nabo, ni bamuleetera omwei gweyatonganga etalanta#18:24 Etalanta Emwei omupakasi yagikooranga emyaka nka ikumi nʼetaanu. Ale etalanta omutwalo ogumwei, zaali empiiya zingi muno. omutwalo gumwei 25Baitu olwakubba tiyaalina mpiiya zakusasulisya ibanza, omukama waamwe nʼalagira okumutunda, nʼomukali waamwe, nʼabaana baamwe, nʼebintu byamwe byona byona, leke eibanza lisasulwe.
26“Awo omwiru nʼakubba amajwi, nʼamwesengeerya, nʼakukoba ati, ‘Ngumikiirya naalikusasula byona.’ 27Omukama wa mwiru oyo nʼamukwatirwa ekisa, nʼamusaasira eibanza, nʼamutaisya.
28“Baitu omwiru oyo niyawulukire, nʼasanga omwiru omwira waamwe gwakutoonga edinaari#18:28 Edinaari Emwei omupakasi yagikooranga ekiro kimwei. ekikumi. Nʼamugwa omu mamiro nʼakumukoba ati, ‘Nsasula eibanza ryange.’ 29Awo omwiru omwira waamwe nʼagwa ansi, nʼamwesengeerya nʼakukoba ati, ‘Ngumikiirya, naalikusasula.’ 30Baitu ye nʼataikiriza, nʼayaba nʼamwigaara omu nkomyo okwica nalimala okusasula eibanza.
31“Abairu abaira baamwe nibaaboine ebikoleibwe, ni beenatira muno, ni baaba ni bakobera omukama waabwe byona ebibbairewo. 32Awo omukama waamwe nʼamweta, nʼamukoba ati, ‘Mwiru we omubbi, nakusaasiire eibanza ryona kubba waneesengereirye. 33Ale naawe obbaire tosemeize kukwatirwa omwiru omwiraawo ekisa, ka nje ninakikukwatiirwe?’ 34Omukama waamwe nʼagongera, nʼamukwatisya abasirikale ba nkomyo leke bamubonaabonesye okwica nalimala okusasula eibanza ryona.
35“NʼoIte wange ali omwiguru nywe nimwo alibakola atyo, buli muntu natalisaasira owaluganda, omu mutima gwamwe.”
Voafantina amin'izao fotoana izao:
Matayo 18: RUULI-NYALA
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Matayo 18
18
Akira okubba owa kitiinisya
(Mak 9:33-37,42-48; Luk 9:46-48)
1Omu kaire ako, abeegesebwa ni baiza egiri oYesu, ni bamubuulya bati, “Ale naani asinga okubba owakitiinisya omu bukama obwa mwiguru?”
2Awo oYesu nʼayeta omwana omuto, nʼamwemeerya akati waabwe, 3nʼakoba ati, “Kambakobera amananu, ni mutaayinduke ni mubba nkʼabaana abato, timulingira mu bukama bwa mwiguru. 4Olwʼekyo na buli eyeeculeerya nkʼomwana oni omuto, niye asinga okubba owakitiinisya omu bukama obwa mwiguru. 5Era buli atangiira omwana nkʼoni oku lwange, abba ataangiriire ninje. 6Baitu buli alikolesya ekibbi omwei oku bato bani abannyikiriza, asemeire okubbwebwa emengo omwikoti anagibwe mu nyanja akati. 7Ensi ya kubonaabona olwʼebyo ebinaga abantu omu kibbi. Ebyo tibirigaana kubbaawo, baitu omuntu abireeta, wa kubonaabona.
Ebyoyeerya abantu okukola ekibbi
(Luk 17:1-2)
8“Omukono gwamu oba okugulu kwamu nikukukolesya ekibbi, kutemeku otunge obwomi obutawaawo, noli wa mukono gumwei oba wa kugulu kumwei, okusinga nʼosigalya emikono gikali ebiri oba amagulu gakali abiri, baitu nʼonagibwa omu muuro ogutalikira.#Mat 5:30 9Era eriiso ryamu nirikukolesya ekibbi, riiyemu orinageyo. Kisai okutunga obwomi, noli wa riiso rimwei, okusinga nʼosigalya amaiso gakali abiri, baitu nʼonagibwa omu kifo ekyakuwerekeera, omu omuuro ogutalikira.”#Mat 5:29
Olufumo lwa ntaama eyabuure
(Luk 15:3-7)
10OYesu ni yeeyongera nʼabakoba ati, “Mwegendereze obutagayanga gonze omwei oku bato bani. Kambakobere, omwiguru abamalaika baabwe bulinca babba omu maiso ga Ite wange ali omwiguru. 11OMwana wa Muntu yaizire okucungura abaabuure.#18:11 Ebiwandiiko ebimwei ebyairai tibirina lunyiriri luni.
12“Mukulowooza mutyai? Omuntu nabba nʼentaama zaamwe ekikumi, omwei oku zo nabula, taleka ekyendai nʼomwendai omwiriisiryo,#18:12 Omwiriisiryo Ebiwandiiko ebindi bikoba ku lusozi. nʼayaba nʼatoolya oyo abuure? 13Kambakobere amananu, namubona omwei oyo, asemeerwa muno, okusinga olwa zidi ekyendai nʼomwendai ezitaabuure. 14NʼoIte waanywe ali omwiguru nimwo atyo atayendya gonze omwei oku bato bani okuwerekeera.”
Owaluganda akukola okubbi
15OYesu ni yeeyongera nʼabakoba ati, “Owaluganda nakukola ekibbi, yaba gyali omukobe nimuli nywenkai, we naye. Nakuwura, obwo obba noirye owaluganda oyo. 16Baitu natakuwura, irayo gyali nʼomuntu owondi omwei oba babiri, obwo ‘buli kigambo leke kikakate niwaliwo abajuurwa babiri oba basatu,’#Tek 19:15 nkʼebyawandiikiibwe nibikoba. 17Nagaana okubawura, obwo manyisya ekanisa. Nagaana okuwura ekanisa, mwakalye nkʼatalina kwikiriza, era nkʼomusoroorya wa musolo.”
Okubbwa nʼokusandabula
18OYesu ni yeeyongera nʼabakoba ati, “Nkubakobera amananu; kyona kyona kyemulibbwa oku nsi, kiribbwebwa omwiguru. Era kyona kyemulisandabula oku nsi, kirisandabulwa omwiguru. 19Era kambakobere; ababiri oku nywe nibeeyimbya oku nsi, ni babbaaku kyebakusaba oIte wange ali omwiguru, alikibakoora. 20Kubba ababiri oba abasatu nibabba bakumbaine omwibara ryange, njeena mba amwei nabo.”
Olufumo lwa mwiru atasaasira
21Awo oPeetero nʼayaba awali oYesu, nʼamubuulya ati, “Mukama, omuganda wange niyaakunkolanga ekibbi, naakumusaasiranga emirundi gingai? Emirundu musanju?”
22OYesu nʼamwiramu ati, “Tinakukobe emirundi musanju, baitu musanju emirundi nsanju.
23“Obukama bwa mwiguru nikyo buzwa bwisanisibwa nʼomukama, eyayenderye okubona engeri abaweereza baamwe gyebaakoleseryemu empiiya zeyabakwatisirye. 24Niyatandikire okubala nabo, ni bamuleetera omwei gweyatonganga etalanta#18:24 Etalanta Emwei omupakasi yagikooranga emyaka nka ikumi nʼetaanu. Ale etalanta omutwalo ogumwei, zaali empiiya zingi muno. omutwalo gumwei 25Baitu olwakubba tiyaalina mpiiya zakusasulisya ibanza, omukama waamwe nʼalagira okumutunda, nʼomukali waamwe, nʼabaana baamwe, nʼebintu byamwe byona byona, leke eibanza lisasulwe.
26“Awo omwiru nʼakubba amajwi, nʼamwesengeerya, nʼakukoba ati, ‘Ngumikiirya naalikusasula byona.’ 27Omukama wa mwiru oyo nʼamukwatirwa ekisa, nʼamusaasira eibanza, nʼamutaisya.
28“Baitu omwiru oyo niyawulukire, nʼasanga omwiru omwira waamwe gwakutoonga edinaari#18:28 Edinaari Emwei omupakasi yagikooranga ekiro kimwei. ekikumi. Nʼamugwa omu mamiro nʼakumukoba ati, ‘Nsasula eibanza ryange.’ 29Awo omwiru omwira waamwe nʼagwa ansi, nʼamwesengeerya nʼakukoba ati, ‘Ngumikiirya, naalikusasula.’ 30Baitu ye nʼataikiriza, nʼayaba nʼamwigaara omu nkomyo okwica nalimala okusasula eibanza.
31“Abairu abaira baamwe nibaaboine ebikoleibwe, ni beenatira muno, ni baaba ni bakobera omukama waabwe byona ebibbairewo. 32Awo omukama waamwe nʼamweta, nʼamukoba ati, ‘Mwiru we omubbi, nakusaasiire eibanza ryona kubba waneesengereirye. 33Ale naawe obbaire tosemeize kukwatirwa omwiru omwiraawo ekisa, ka nje ninakikukwatiirwe?’ 34Omukama waamwe nʼagongera, nʼamukwatisya abasirikale ba nkomyo leke bamubonaabonesye okwica nalimala okusasula eibanza ryona.
35“NʼoIte wange ali omwiguru nywe nimwo alibakola atyo, buli muntu natalisaasira owaluganda, omu mutima gwamwe.”
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra