Matayo 17
17
Okuyinduka kwa nyisana ya Yesu
(Mak 9:2-13; Luk 9:28-36)
1Ebiro mukaaga nibyayakairewo, oYesu nʼatwala oPeetero, nʼabaluganda ababiri oYakobo nʼoYokaana, nʼabeebembera ni batemba olusozi olulai ni babbaayo bonkai. 2Awo emboneka yaamwe nʼeyinduka nibakubona, obusyo bwamwe ni buseryaserya nkʼeisana, ebizwalibwa byamwe ni bikwera nkʼomuzira. 3Abeegesebwa abasatu ni babona oMusa nʼEriya nibakubaza nʼoYesu. 4OPeetero nʼakoba oYesu ati, “Mukama waiswe, kisai okubba nga tuli ani. Niwayendya nayomboka ani ebitinde bisatu: ekimwei kyamu, ekindi kya Musa, nʼekindi kyʼEriya.”
5Niyaali nacaabaza, ekicu ekikumolenkerana ni kiiza, ni kibasweka. Eiraka ni rizwa omu kicu ekyo, ni rikoba riti, “Oni niye Mwana wange gwenyendya, era gwensemeerwa. Mumuwuliirye!”
6Abeegesebwa nibaawuliire eiraka, ni batiina muno, ni bagwa ansi nibeejuumukire. 7Awo oYesu nʼaiza webaali nʼabakwataku nʼakoba ati, “Mwimuke, muleke kutiina!” 8Nibaimwire amaiso, ni batabona muntu wondi, okwiyaku oYesu yenkai.
9Awo nibaali bakusirimuka okuzwa oku lusozi, oYesu nʼabakunkuniza ati, “Kyemuboine mutakikoberaku muntu wondi, okwica oMwana wa Muntu nalimala okuyimbooka.” 10Abeegesebwa ni bamubuulya bati, “Lwaki abeegesya bʼamateeka bakoba nti Eriya niye ateekerwe okwekeera okwiza?” 11OYesu nʼabairamu ati, “Kituufu Eriya niye ateekerwe okwekeera okwiza, leke alisaayiirya byona. 12Baitu nkubakoba nti Eriya yaizire irai, abantu ni batamweteja, era ni bamwakalya nka nibaayenderye. Omu ngeri nigyo gimwei nʼoMwana wa Muntu balimubonaabonesya.” 13Obwo abeegesebwa ni beeteja nti yaali akubakoba Yokaana oMubatiza.
OYesu akutamba omwojo eyaaliku omuzumu
(Mak 9:14-29; Luk 9:37-43a)
14Obwo nibaikire omu kibiina kyʼabantu omusaiza omwei nʼaiza egiri oYesu nʼamufukaamiira, 15nʼamukoba ati, “Mukama, kwatirwa omutaani wange ekisa, kubba mulwaire wa nsimbu, ali kubbi muno. Emirundi gingi agwa omu muuro nʼomu maizi. 16Mmamuleeteire abeegesebwa baamu, ni batasobola kumutamba.”
17OYesu nʼairamu ati, “Bantu nywe, aba mulembe guni ogutalina kwikiriza, era ogubbi, ndiica di okubba naanywe ninkubagumikiirya? Omwojo mumundeetere ani.” 18Awo oYesu nʼaboigoora omuzumu, ni guzwa oku mwojo, nʼatambwa omu kaire ako.
19Abeegesebwa ni baiza egiri oYesu omwibbise, ni bamubuulya bati, “Lwaki iswe tutaasoboire kugumupekaku?”
20OYesu nʼabairamu ati, “Kubba mulina kwikiriza kudooli. Kambakobere amananu: nimwakubbaire nʼokwikiriza gonze okudooli nkʼakasigo ka kaladaali, mwakusoboire okukoba olusozi luni nti, ‘Zwa ani, yaba adi,’ ni lwaba, era ndoowo kyakubalemere. 21Baitu omuzumu ogwa ngeri gini, tigupekebwa ku muntu awatali kusaba Kanca amwei nʼokusiiba.”#17:21 Ebiwandiiko ebimwei ebyairai tibirina lunyiriri luni.
OYesu akubaza omulundi ogwakabiri oku kufa kwamwe
(Mak 9:30-32; Luk 9:43b-45)
22Abeegesebwa nibaakumbaaniire e Galiraaya, oYesu nʼakoba ati, “OMwana wa Muntu akwiza kuweebwayo egiri abantu 23abakwiza okumwita. Baitu ekiro ekyakasatu aliyimbooka.” Abeegesebwa ni bakwatwa enaku.
Okuweerya omusolo ogwa Iramyo
24OYesu nʼabeegesebwa baamwe ni baika e Kaperenawumu, abasoroorya omusolo ogwa Iramyo#17:24 Omusolo ogwa Iramyo Guni gwasasulwanga buli muntu omu Isirairi olwa kuroleera eiramyo. ni baiza egiri oPeetero, ni bamubuulya bati, “OMukama waanywe taweerya musolo gwa Iramyo?”
25Nʼairamu ati, “Aweerya.” OPeetero niyaingiire omu nyumba, oYesu nʼamwekeera okumubuulya ati, “Simooni, okulowooza otyai? Abakama ba nsi, empooza oba omusolo babiiya ku bantu ki? Ku baana baabwe, oba ku bapaati?”
26OPeetero nʼairamu ati, “Ku bapaati.”
OYesu nʼamukoba ati, “Olwʼekyo abaana tibateekerwe kuguweerya. 27Baitu obutabagongerya, yaba onage eibira omu nyanja, oncwi gweweekeera okukwatisya, niwaswekula omunwa gwamwe, wayajaamu empiiya, ozitwale ozibaweerye, osasule omusolo ogwange nʼogwamu.”
Voafantina amin'izao fotoana izao:
Matayo 17: RUULI-NYALA
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra
Matayo 17
17
Okuyinduka kwa nyisana ya Yesu
(Mak 9:2-13; Luk 9:28-36)
1Ebiro mukaaga nibyayakairewo, oYesu nʼatwala oPeetero, nʼabaluganda ababiri oYakobo nʼoYokaana, nʼabeebembera ni batemba olusozi olulai ni babbaayo bonkai. 2Awo emboneka yaamwe nʼeyinduka nibakubona, obusyo bwamwe ni buseryaserya nkʼeisana, ebizwalibwa byamwe ni bikwera nkʼomuzira. 3Abeegesebwa abasatu ni babona oMusa nʼEriya nibakubaza nʼoYesu. 4OPeetero nʼakoba oYesu ati, “Mukama waiswe, kisai okubba nga tuli ani. Niwayendya nayomboka ani ebitinde bisatu: ekimwei kyamu, ekindi kya Musa, nʼekindi kyʼEriya.”
5Niyaali nacaabaza, ekicu ekikumolenkerana ni kiiza, ni kibasweka. Eiraka ni rizwa omu kicu ekyo, ni rikoba riti, “Oni niye Mwana wange gwenyendya, era gwensemeerwa. Mumuwuliirye!”
6Abeegesebwa nibaawuliire eiraka, ni batiina muno, ni bagwa ansi nibeejuumukire. 7Awo oYesu nʼaiza webaali nʼabakwataku nʼakoba ati, “Mwimuke, muleke kutiina!” 8Nibaimwire amaiso, ni batabona muntu wondi, okwiyaku oYesu yenkai.
9Awo nibaali bakusirimuka okuzwa oku lusozi, oYesu nʼabakunkuniza ati, “Kyemuboine mutakikoberaku muntu wondi, okwica oMwana wa Muntu nalimala okuyimbooka.” 10Abeegesebwa ni bamubuulya bati, “Lwaki abeegesya bʼamateeka bakoba nti Eriya niye ateekerwe okwekeera okwiza?” 11OYesu nʼabairamu ati, “Kituufu Eriya niye ateekerwe okwekeera okwiza, leke alisaayiirya byona. 12Baitu nkubakoba nti Eriya yaizire irai, abantu ni batamweteja, era ni bamwakalya nka nibaayenderye. Omu ngeri nigyo gimwei nʼoMwana wa Muntu balimubonaabonesya.” 13Obwo abeegesebwa ni beeteja nti yaali akubakoba Yokaana oMubatiza.
OYesu akutamba omwojo eyaaliku omuzumu
(Mak 9:14-29; Luk 9:37-43a)
14Obwo nibaikire omu kibiina kyʼabantu omusaiza omwei nʼaiza egiri oYesu nʼamufukaamiira, 15nʼamukoba ati, “Mukama, kwatirwa omutaani wange ekisa, kubba mulwaire wa nsimbu, ali kubbi muno. Emirundi gingi agwa omu muuro nʼomu maizi. 16Mmamuleeteire abeegesebwa baamu, ni batasobola kumutamba.”
17OYesu nʼairamu ati, “Bantu nywe, aba mulembe guni ogutalina kwikiriza, era ogubbi, ndiica di okubba naanywe ninkubagumikiirya? Omwojo mumundeetere ani.” 18Awo oYesu nʼaboigoora omuzumu, ni guzwa oku mwojo, nʼatambwa omu kaire ako.
19Abeegesebwa ni baiza egiri oYesu omwibbise, ni bamubuulya bati, “Lwaki iswe tutaasoboire kugumupekaku?”
20OYesu nʼabairamu ati, “Kubba mulina kwikiriza kudooli. Kambakobere amananu: nimwakubbaire nʼokwikiriza gonze okudooli nkʼakasigo ka kaladaali, mwakusoboire okukoba olusozi luni nti, ‘Zwa ani, yaba adi,’ ni lwaba, era ndoowo kyakubalemere. 21Baitu omuzumu ogwa ngeri gini, tigupekebwa ku muntu awatali kusaba Kanca amwei nʼokusiiba.”#17:21 Ebiwandiiko ebimwei ebyairai tibirina lunyiriri luni.
OYesu akubaza omulundi ogwakabiri oku kufa kwamwe
(Mak 9:30-32; Luk 9:43b-45)
22Abeegesebwa nibaakumbaaniire e Galiraaya, oYesu nʼakoba ati, “OMwana wa Muntu akwiza kuweebwayo egiri abantu 23abakwiza okumwita. Baitu ekiro ekyakasatu aliyimbooka.” Abeegesebwa ni bakwatwa enaku.
Okuweerya omusolo ogwa Iramyo
24OYesu nʼabeegesebwa baamwe ni baika e Kaperenawumu, abasoroorya omusolo ogwa Iramyo#17:24 Omusolo ogwa Iramyo Guni gwasasulwanga buli muntu omu Isirairi olwa kuroleera eiramyo. ni baiza egiri oPeetero, ni bamubuulya bati, “OMukama waanywe taweerya musolo gwa Iramyo?”
25Nʼairamu ati, “Aweerya.” OPeetero niyaingiire omu nyumba, oYesu nʼamwekeera okumubuulya ati, “Simooni, okulowooza otyai? Abakama ba nsi, empooza oba omusolo babiiya ku bantu ki? Ku baana baabwe, oba ku bapaati?”
26OPeetero nʼairamu ati, “Ku bapaati.”
OYesu nʼamukoba ati, “Olwʼekyo abaana tibateekerwe kuguweerya. 27Baitu obutabagongerya, yaba onage eibira omu nyanja, oncwi gweweekeera okukwatisya, niwaswekula omunwa gwamwe, wayajaamu empiiya, ozitwale ozibaweerye, osasule omusolo ogwange nʼogwamu.”
Voafantina amin'izao fotoana izao:
:
Asongadina
Hizara
Dika mitovy
Tianao hovoatahiry amin'ireo fitaovana ampiasainao rehetra ve ireo nasongadina? Hisoratra na Hiditra