Andinin-tSoratra Masina malaza indrindra nalaina tao amin'ny မဿဲ 6

Hizara

ဘုရားသခင်​၏ နိုင်ငံတော်​နှင့် ဖြောင့်မတ်ခြင်း​ကို ဦး​စွာ ရှာကြလော့။ သို့ပြုလျှင် သင်တို့​လိုအပ်သော အရာ​အားလုံး​ကို ပေးတော်မူ​လိမ့်မည်။

ထို့ကြောင့် မနက်ဖြန်​အတွက် မစိုးရိမ်နှင့်။ မနက်ဖြန်​နှင့် သက်ဆိုင်သော​စိုးရိမ်စရာ​သည် မနက်ဖြန်​၌​သာ ရှိ၏။ ယနေ့​ကြုံတွေ့ရသော​ဒုက္ခပြဿနာ​သည် ယနေ့​အတွက် တော်လောက်ပေ၏။

ထို့ကြောင့် သင်တို့​အား ငါ​ပြောဆိုသည်​မှာ သင်တို့​အသက်ရှင်​ရန်အတွက် မည်သည့်​အရာ​စားသောက်ရမည်​ကို​လည်းကောင်း၊ သင်တို့​ကိုယ်ခန္ဓာ​အတွက် မည်သည့်​အရာ​ဝတ်ရမည်​ကို​လည်းကောင်း မစိုးရိမ်ကြနှင့်။ အသက်​သည် အစာ​ထက်​မြတ်သည် မဟုတ်လော။ ကိုယ်​ခန္ဓာ​သည် အဝတ်​ထက်​မြတ်သည် မဟုတ်လော။

သို့ရာတွင် သင်​သည် ဆုတောင်း​သောအခါ အခန်း​ထဲသို့ ဝင်​၍ တံခါး​ကို ပိတ်ပြီး​လျှင် မျက်စိ​ဖြင့် မတွေ့မြင်နိုင်သော သင်​၏​အဖ​ထံတော်သို့ တောင်းလျှောက်လော့။ ထိုအခါ အရာ​အားလုံး​ကို သိမြင်တော်မူသော သင်​၏​အဖ​သည် ဆုလာဘ်​ကို ပေးတော်မူ​လိမ့်မည်။

ထို့ကြောင့် ဤသို့ ဆုတောင်းကြလော့။ ကောင်းကင်ဘုံ​၌ ရှိတော်မူသော အကျွန်ုပ်တို့​၏ အဖ… ကိုယ်တော်​၏​အမည်​နာမတော်​အား ရိုသေလေးမြတ်​ကြပါစေသော။ နိုင်ငံတော်​တည်ထောင်ပါစေသော။ အလိုတော်​သည် ကောင်းကင်ဘုံ​၌ ပြည့်စုံ​သကဲ့သို့ မြေကြီး​ပေါ်​၌လည်း ပြည့်စုံပါစေသော။

အကျွန်ုပ်တို့ လိုအပ်သော​အစာ​ကို ယနေ့​ပေးသနားတော်မူပါ။

အကျွန်ုပ်တို့​အပေါ် ပြစ်မှားသော​သူတို့​ကို အကျွန်ုပ်တို့​သည် ခွင့်လွှတ်​သကဲ့သို့ အကျွန်ုပ်တို့​၏ အပြစ်များ​ကိုလည်း ခွင့်လွှတ်တော်မူပါ။

ဖြားယောင်း​သွေးဆောင်ရာ​သို့ မကျရောက်စေဘဲ မာရ်နတ်​၏ လက်​မှ အကျွန်ုပ်တို့​ကို ကယ်တင်တော်မူပါ။ တန်ခိုးတော်​နှင့် ဘုန်းတော်​သည် ကမ္ဘာအဆက်ဆက်​ကိုယ်တော်​၌ ရှိပါ၏။ အာမင်။

သင်တို့​သည် တစ်ပါးသူတို့​၏ အပြစ်များ​ကို ခွင့်လွှတ်​လျှင် ကောင်းကင်ဘုံရှင် သင်တို့​၏​အဖ​သည်လည်း သင်တို့​၏ အပြစ်များ​ကို ခွင့်လွှတ်တော်မူ​လိမ့်မည်။

မိုးကောင်းကင်​တွင် ပျံသန်းသော​ငှက်များ​ကို ကြည့်လော့။ ထို​ငှက်တို့​သည် မျိုးမကြဲ။ အစာ​ကို​ကျီ​၌ မသိုလှောင်။ သို့ရာတွင် ကောင်းကင်ဘုံရှင် သင်တို့​၏​အဖ​သည် ထို​ငှက်တို့​ကို ကျွေးမွေးတော်မူ၏။ သင်တို့​သည် ထို​ငှက်များ​ထက် ပို​၍ အဖိုးထိုက်တန်ကြသည် မဟုတ်လော။

သံချေး​နှင့်​ပိုး ဖျက်ဆီး​၍ သူခိုး​ဖောက်ထွင်း​ခိုးယူနိုင်သော လောက​၌ ဘဏ္ဍာ​ကို မစုဆောင်းကြနှင့်။ သံချေး​နှင့်​ပိုး မဖျက်ဆီးနိုင်​၍ သူခိုး​မဖောက်ထွင်း​မခိုးယူနိုင်သော ကောင်းကင်ဘုံ​၌ ဘဏ္ဍာ​ကို စုဆောင်းကြလော့။ အဘယ်ကြောင့်ဆိုသော် သင်တို့​၏​ဘဏ္ဍာ​ရှိသော​နေရာ​သို့ သင်တို့​စိတ်နှလုံး ရောက်တတ်​သောကြောင့်​ဖြစ်၏။

မည်သူ​မျှ သခင်​နှစ်ဦး​ကို အစေမခံနိုင်ပေ။ သခင်​တစ်ဦး​ကို မုန်း​၍ ကျန်​တစ်ဦး​ကို ချစ်မည်။ သို့မဟုတ် သခင်​တစ်ဦး​ကို ကြည်ညိုလေးစား​၍ ကျန်​တစ်ဦး​ကို မခန့်လေးစားပြုမည်။ သင်တို့​သည် ဘုရားသခင်​နှင့် ငွေ​အား တစ်ချိန်တည်း​တွင် အစေခံ​ရန် မဖြစ်နိုင်ပါ။

ယုံကြည်ခြင်း​အားနည်းသော​သူတို့… ယနေ့​ရှင်သန်​၍ မနက်ဖြန်​မီးဖို​ထဲသို့ ပစ်ချခံရသည့် တောပန်းပင်​ကို ဘုရားသခင်​သည် ထို​မျှ​ဆင်မြန်းတော်မူ​လျှင် သင်တို့​ကို သာ​၍ ဆင်မြန်းတော်မူမည်​မဟုတ်လော။

သို့သော် သင်​သည် အလှူအတန်းပြု​သောအခါ လှူဒါန်းကြောင်း​ကို မထင်ရှားစေနှင့်။ လက်ယာလက် ပြုသော​အရာ​ကို လက်ဝဲလက်​ပင် မသိစေနှင့်။ ထိုသို့​ပြု​လျှင် အရာ​အားလုံး​ကို သိမြင်တော်မူသော သင်​၏​အဖ​သည် ဆုလာဘ်​ကို ပေးတော်မူ​လိမ့်မည်။

သင်တို့​၏ ကောင်းသော​အကျင့်​ကို လူ​မြင်သာ​အောင် အများ​ရှေ့​တွင် မကျင့်မိ​ရန် သတိပြုကြလော့။ လူ​မြင်သာ​အောင် ပြု​လျှင် ကောင်းကင်ဘုံ​၌​ရှိတော်မူသော သင်တို့​အဖ​ထံမှ ဆုလာဘ်​ကို ရရှိမည်​မဟုတ်။

သင်တို့​သည် အစာရှောင်​သောအခါ သူတော်ကောင်း​ယောင်ဆောင်သူတို့​ကဲ့သို့ မျက်နှာ​မညှိုးငယ်စေနှင့်။ ထို​သူတို့​သည် မိမိတို့​အစာရှောင်နေကြောင်း လူ​အများ​သိမြင်​စေရန် မျက်နှာသွင်ပြင်​ကို မကြည်မသာ​ဖြစ်စေကြ၏။ သင်တို့​အား ငါ​အမှန်​ဆို၏။ ထို​သူတို့​သည် မိမိတို့ ခံစားရမည့် အကျိုး​အားလုံး​ကို ရရှိကြပြီ။ သို့ရာတွင် သင်​သည် အစာရှောင်​သောအခါ သင်​၏ ဦးခေါင်း​ကို ဆီလိမ်းလော့။ မျက်နှာ​ကိုလည်း သစ်လော့။ ထိုသို့​ပြုလျှင် သင်​အစာရှောင်နေကြောင်း​ကို မည်သူ​မျှ သိမည်​မဟုတ်။ သို့သော်လည်း လူ့​မျက်စိ​ဖြင့် မတွေ့မြင်နိုင်သော သင်​၏​အဖ​သည် သိမြင်တော်မူ၏။ အရာ​အားလုံး​ကို သိမြင်တော်မူသော သင်​၏​အဖ​သည် ဆုလာဘ်​ကို ပေးတော်မူ​လိမ့်မည်။