Salmos 143
143
1Xrana' Dios, bene da dxuchálaja' lau Lue'.
Bze̱ naga da dxenaba' lau'.
Gudá gácale̱nu' neda' lawe' da nacu' li lazre', ne xrlátaje.
2Quebe guchi'u chia' neda', we̱n zrin chiu',
ca naca da nabaga',
lawe' da lau' Lue' quebe nu chilá' benne' naque̱' du lazre'.
3Gúcale̱ neda' lawe' da dxeláu zi' xuzre' neda'.
Xeláteze bache xelútie̱' neda'.
Ba belune̱' naca' ca tu benne' dxedé' lu da chul-la
ca naca chee̱ benne' gate ca'.
4Zua lázrdawa' lu da sté̱bele̱'e̱, ne dxewí'ine lázrele̱'a.
5Dxeajsá lazra' ca guca nédxudaute̱.
Dxulaba lazra' ca naca xúgute̱ da be̱nu'.
Dxeajsá lazra' ca naca da zrente̱ ca' da be̱nu'.
6Dxechisa na'a lau Lue'.
Naca' ca tu xe̱zr la xu bizre, dxebíleda' Lué'queze.
7Gudázega gácale̱nu' neda', Xran, lawe' da dxedú lazra'.
Quebe chenu' gácale̱nu' neda', chee̱ quebe gaca' ca tu benne'
ba xu'e̱ xe̱dxu ba.
8Che zílala be̱n cheajsá lazra' dxexache lazru' bénneache
chiu' ca'
lawe' da dxuxrén lázrequeza' Lue'.
Bzéajni'i neda' ca dxal-la' guna'
lawe' da dxezá lazra' guna' da dxaca lazru' Lue'.
9Xrana' Dios, bselá neda' lu na' benne' ca' dxeledábague̱'
neda'
lawe' da dxuzúa cuina' lu na'u chee̱ guxúequezu' neda'.
10Bse̱de neda' chee̱ guna' da dxaca lazru' Lue',
lawe' da nacu' Lue' Dios chia'.
Gusel-la Be' xrlátaje chiu' chee̱ che̱'e̱ neda' la neza chawe' chiu'.
11Chee̱ gaca bea na nacu' xrlátaje, Xran, gutipu' lazra'.
Lawe' da nacu' xrlátaje, guseláu' neda' lu da dxaca chia'.
12Lawe' da nacu' li lazre', guzría xi'u benne' ca'
dxeledábague̱' neda',
ne guzría xi'u xúgute̱ benne' ca' dxelaca lazre̱'
xuluzría xi'e̱ neda',
lawe' da naca' neda' we̱n zrin chiu'.
Pašlaik izvēlēts:
Salmos 143: zat
Izceltais
Kopēt
Salīdzināt
Dalīties
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 1981, Wycliffe Bible Translators, Inc. All rights reserved.