Salmos 120
120
1Gate guzúa' lu da ste̱be bláwizra' Xránadxu Dios,
na' Le̱' gúcale̱ne̱' neda'.
2Bselá neda', Xrana' Dios, lu na' benne' we̱n lazre' ca',
ne lu na' benne' dxelezí xe̱'e̱ ca'.
3¿Bizra gunna Dios le'e, benne' dxelezí xe̱'e̱?
¿Bizra da ba neza gaca na chee̱le gate gudée̱' le'e
lu da zi' da xa'?
4Gudée̱' le'e lu na' benne' ca' xuludé̱'e̱ le'e xaga nalá xéche'ze,
ne xuluzríe̱' le'e xi' galaj.
5Edxugúa neda'.
Dxaca chia' ca zúaqueza' ládujla benne' Mesec,
ne ca zua' tu lu xu'u xide chee̱ benne' Cedar.
6Da zrente̱ ba guzúa' ládujla benne' caní
dxuluzúe̱' chalá'ala xel-la' dxebeza zri lazre'.
7Neda' dxezá lazra' gata' xel-la' dxebeza zri lazre'.
Gate dxuchálaja' chee̱n, dxeledíl-lale̱ benne' ca' neda'.
Pašlaik izvēlēts:
Salmos 120: zat
Izceltais
Kopēt
Salīdzināt
Dalīties
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 1981, Wycliffe Bible Translators, Inc. All rights reserved.