San Lucas 2
2
U top'o a Jesús
(Mt. 1.18-25)
1Aj mʌni a layo' u k'inio', Augusto César a lʌji' u t'oji wes tu li'sa' u t'ʌn u ts'ipta' u k'aba' ti' u xaka' bon yʌn u winki tu woro a lu'm. 2U yʌj chuni aj ts'ipta' u k'aba' ti' u xaka' bon yʌn u winki tu woro a lu'm, tu meto' a tuk'in lʌji' akʌ' Cirenio u wesi Siria. 3Tu woro laj bino' u ts'ipto' u k'aba' ti' u xaka', jujuntu toj to u kʌjta.
4A José jok'i yok'o u kʌjta Nazaret, yok'o u lu'mi Galilea y bini ix u kʌjta Belén yok'o u lu'mi Judea toj u kʌjta David, tu ti'ʌ tu woro u yet bojo' yete u teto' a José; 5Ti' u ts'ipta' u k'aba' tiu xaka' a José yete María, a José mo' jach u lak' jai' u k'atmʌ u k'ʌ', y a María mo' uts'k'inti'. 6Tuk'in u k'ini tio' Belén, k'uchi u k'ini u yusta. 7Siji u yʌj chuni xi'ra u ti'a, y tu tap'a u ti'a yete u tep', y muj yiro' u wai tuba u p'ata tu weno' ben tu chakinta yok'o u kuchi tuku jʌsa' bʌk'.
A ángeles y a mok ku kʌnʌntik me'
8Tiʌ xok'o yok'o u kʌjta a pastores a mok ku kʌnʌntik aj me', y tu mʌnʌ' ak'ʌ' ku kʌnʌntik tu woro uj me'.
9Y tu tio' jok'i u ángel ak Ts'uri y u muk' K'uj tu laj saskita tu' yʌno' a ku kʌnʌntik uj me'; y ne ja'k'o u yoro'. 10Chen a ángel tu ya'tio': «Ma' sʌjtik; tari y wa'tech jach ne tsoy ba', a lʌji' ku jach bin u ki tsoykintik a worex 11Beje' top'i, yok'o u kʌjta David, a wʌj take'x, lʌji' u k'aba' Cristo ak Ts'uri. 12Tiʌ k'ok'otike'x a cho mejen: Ka bin a wire'x cho tap'ʌ' yete u tep', chakintʌ' yok'o u kuchi tuku jʌsa' bʌk'.»
13Toj yayaj jok'i tu tiʌ a ángel u jer ne pimo', tʌn u k'ʌyko' K'uj y ku yei'ko':
14«¡Jach ne tsoy K'uj yok'o kʌ'!
¡Jach tsoy yoro' a winik yok'o lu'm a mok otsi u yira' ti' K'uj!»
15Y tuk'in ka laj bino' a ángeles ix kʌ', a mok ku kʌnʌntik a uj me', tu yao' yete u bojo':
—Ko'xe'x ix Belén, ak ire a beje' mʌni, a tu ye'sato' ak Ts'uri.
16Toj se'p' bino', y tu yiro' a María yete José, y a cho mejen xi'ra chakintʌ' yok'o u kuchi tuku jʌsa' bʌk'.
17Y ka tu yiro', tu tsikbʌta tio' a ba' a'bti' ti' a ángel yok'o a cho xi'ra. 18Y tu woro a mok tu yuo' a ba' tu tsikbʌto' a ku kʌnʌntik uj me', jach laj peknʌ u yoro' 19A María tu laj disa' tu woro a ba' tsikbʌtʌ' ti' yok'o u tuku, y tu tukra bʌj baiki u nu'ku a ba' tsikbʌtʌ' ti' 20Y suto' a ku kʌnʌntik a uj me', tʌn u k'ʌyko' K'uj y tʌn u yei'ko' jach ne tsoy ba' ti' K'uj a tu tu yuo' y tu yiro', a bex a'tio' ti' a ángel.
Jesús ku bisa' ix u yatoch K'uj ti' u ye'sa ti' K'uj
21Kaj mʌni ocho u k'ini, circuncidata'#2.21 Circuncidata': A je' lʌji' a t'ʌrʌ' u metko' u chuni ka'chik u winki israel a ku k'upik chichin u yot'e tuku ch'ur a meje xirao' ti' u ye'sik lʌjio' u winiko' K'uj. a cho mejen, tʌk'a u k'aba' Jesús, a bex tu toj a'a a ángel ka ma' yʌ sijik Jesús.
22Y kaj k'uchi u k'ini u meta' ti Jesús a bex uchik tu toj ts'ipta' u t'ʌn K'uj a Moisés, María y José tu biso' a Jesús ix Jerusalén ix u yatoch K'uj, ti' u ye'sa' a Jesús ti' ak Ts'uri,
23Bex ts'ipta' yok'o u t'ʌn ak Ts'uri: «Tu woro u yʌj chuni u xi'ra u tiʌ a ch'upra yʌn ti' u yʌ k'ubik ti' K'uj.» 24Y ti' u ts'ek bex ku yei'k u t'ʌn ak Ts'uri a bex uchik tu ts'ipta' a Moisés: Ka'p'e ts'ur, o ka'p'e meje uk.
25A lay u k'ini ix Jerusalén tiʌ junturi' xi'ra u k'aba' Simeón, y a je' a xi'ra ne tsoy u pixʌn y ne ku jach metik u t'ʌn K'uj, tʌn u ch'uktik u tar ʌnta' Israel; y u Pixʌn K'uj tiʌ yete ti'. 26Toj e'sa'ti' ti' u Pixʌn K'uj, mʌnʌ' u yʌ kimi yʌn u yʌ irik a Cristo a ku tuchi'ta' ten K'uj. 27A Simeón tʌra' ti' u Pixʌn K'uj, kaj bini ix yatoch K'uj, tuk'in u teto' a cho Jesús tu biso' ix u yatoch K'uj ti' u metko' a bex toj t'ʌrʌ' u metko' a judíos a bex uchik tu toj ts'ipta' a Moisés u t'ʌn ak Ts'uri. 28A Simeón tu mek'a y tu ya'a ne tsoy ba' ti' K'uj y bex tu ya'a:
29«Beje', Ts'uri, ta jach meta a t'ʌn a ta wa'a,
a ne k'ʌni' tsoy u yor u pixʌn, ta ka cheik u kimi.
30Beje' ti' wira ti' wich ak wʌj take'x,
31A to'o tech ta toj meta'
ti' u yirik tu woro a winik;
32Jesús lʌji' u sasi, a ku bin u saskinte tu woro a winik tak a moko' mo' judíos,
y jach tsoy ku bin ira' Israel.»
33José y María ne k'ux tsoy tu yua tu woro a ba' ku ya'bati' a Jesús. 34A Simeón tu ya'tio'; u yante'x K'uj, y tu ya'ti' a María:
—A je' a cho mejen tuchi'ta' ti' u yʌntik u winki a Israel a mok ku yui'k u t'ʌn K'uj y ti' a mok muj yui'k bi u ts'ae u bo'tik u si'po', a cho mejen lʌji' ku bin u ye'se baij ku bu mete K'uj y ne pim winik ku bin u p'akte, 35y bex ku bin u ye'se baij ku jach tukriko' yok'o u pixʌn a winiko', y tech María bi a wu'e p'is be jump'e maska' ku lama' yok'o a pixʌn.
36Bexi' tiʌ tita a Ana, a lʌji' a mok ku tsikbʌtik baij ku bij u tar u metik K'uj, u ch'upra u tiʌ a Fanuel, ti' u tar yok'o u winki Aser, ne k'ux nʌ'kʌ' u k'ini, ne chijʌntʌ kaj ch'a'bi y kʌjnʌ yete u lak' tajʌm u nʌ' k'ʌ' (siete) yaxk'in, 37a Ana yʌnti' ochenta y cuatro yaxk'in y kimen u lak'; y muj p'ʌtik u yatoch K'uj, ku meaj ak'bi y chuk'in y ku muk'tik u jʌnʌ y ku t'ʌnik K'uj. 38Chen ts'o'ki u tsikba a Simeón xok'i a Ana y chu'mpʌ u yei'k bay tech K'uj y chu'mpʌ u tsikbʌtik a ba' ku bi u mete a cho mejen ti' a tu woro a mok ku ch'uktik u tar taka' Jerusalén.
U suto' ix Nazaret
39Kaj ts'o'ki u metik tu woro a ba' a bex uchik tu toj ts'ipta' a Moisés u t'ʌn ak Ts'uri, suto' ix Nazaret to' u nʌj kʌjta, yok'o u lu'mi Galilea. 40Y a cho xi'ra tʌn u ch'iji, tʌn u chichta u yor y tʌn u ki' ch'eik u tuku y ne otsi u yira ten K'uj.
A cho xi'ra Jesús tiʌ yok'o u yatoch K'uj
41Tu woro a yaxk'in ku bino' u teto' a Jesús ix Jerusalén u k'ini a Pascua a tuk'in ku metko' u yo'cho' a judíos; 42y tuk'in k'uchi doce yaxk'in, nʌ'ki ix Jerusalén bex a nʌj t'ʌrʌ' u metko' u yo'cho'. 43Kaj suto', kaj ts'o'ki u metko' u yo'cho', p'atij a cho xi'ra Jesús ix Jerusalén, y mu' yue a José mix u nʌ'. 44Y tio' ku tukriko' ket yet bin a Jesús, ij ximano' jump'e k'in y tu kʌxto' to' u bojo' y a mok u k'o'mʌ, 45chen mo' tu yiro', suto' u kʌxto' ix Jerusalén.
46Y kaj mʌni oxp'e k'in t'upti' u yiko' ix u yatoch K'uj, kurukba ix u chumuki a bex a ku kʌ'sko' u t'ʌn K'uj a toj u ts'ibtamʌ a Moisés uchik, a Jesús tʌn u ch'extik y tʌn u k'atik a baij ku yui'k. 47Y tu woro a mok ku ch'extiko' u t'ʌn, ne jax peknʌ u yoro' ten a ba' tu tsikbʌta y a tuku sutik u nu'ku tuk'in ku k'ata' ti'. 48Ka tu yiro' a cho Jesús ten u teto', jach ne peknʌ u yoro'; y a'bti' ten u nʌ':
—¿Tiʌ', biken bex ta meta to'? A tet y ten tin kʌxtech y ne ti tukra in bʌjo' tuj binech.
49Y a cho Jesús tu nuka tio':
—¿Biken ka kʌxtikene'x? ¿Mo' toj a we'x yʌnti' in tar yok'o u yatoch in tet?
50Chen a tio' muj ki' uo' baij tu ya'a a cho Jesús.
51Y a cho Jesús bini yete u teto', y kʌ' suto' ix Nazaret, y tu woro a ba' ku ya'bati' u metik ten u teto' ku metik y u nʌ' tu disa' tu woro a ba' yok'o u tuku. 52Y a cho Jesús xuy' tʌn u ki ch'eik u tuku y tʌn u nʌ'kʌ u bake, y ne otsi u yira' ten K'uj y bexi' ten a winiko'.
Pašlaik izvēlēts:
San Lucas 2: PLacNaha
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Sociedad Biblica de México AC
San Lucas 2
2
U top'o a Jesús
(Mt. 1.18-25)
1Aj mʌni a layo' u k'inio', Augusto César a lʌji' u t'oji wes tu li'sa' u t'ʌn u ts'ipta' u k'aba' ti' u xaka' bon yʌn u winki tu woro a lu'm. 2U yʌj chuni aj ts'ipta' u k'aba' ti' u xaka' bon yʌn u winki tu woro a lu'm, tu meto' a tuk'in lʌji' akʌ' Cirenio u wesi Siria. 3Tu woro laj bino' u ts'ipto' u k'aba' ti' u xaka', jujuntu toj to u kʌjta.
4A José jok'i yok'o u kʌjta Nazaret, yok'o u lu'mi Galilea y bini ix u kʌjta Belén yok'o u lu'mi Judea toj u kʌjta David, tu ti'ʌ tu woro u yet bojo' yete u teto' a José; 5Ti' u ts'ipta' u k'aba' tiu xaka' a José yete María, a José mo' jach u lak' jai' u k'atmʌ u k'ʌ', y a María mo' uts'k'inti'. 6Tuk'in u k'ini tio' Belén, k'uchi u k'ini u yusta. 7Siji u yʌj chuni xi'ra u ti'a, y tu tap'a u ti'a yete u tep', y muj yiro' u wai tuba u p'ata tu weno' ben tu chakinta yok'o u kuchi tuku jʌsa' bʌk'.
A ángeles y a mok ku kʌnʌntik me'
8Tiʌ xok'o yok'o u kʌjta a pastores a mok ku kʌnʌntik aj me', y tu mʌnʌ' ak'ʌ' ku kʌnʌntik tu woro uj me'.
9Y tu tio' jok'i u ángel ak Ts'uri y u muk' K'uj tu laj saskita tu' yʌno' a ku kʌnʌntik uj me'; y ne ja'k'o u yoro'. 10Chen a ángel tu ya'tio': «Ma' sʌjtik; tari y wa'tech jach ne tsoy ba', a lʌji' ku jach bin u ki tsoykintik a worex 11Beje' top'i, yok'o u kʌjta David, a wʌj take'x, lʌji' u k'aba' Cristo ak Ts'uri. 12Tiʌ k'ok'otike'x a cho mejen: Ka bin a wire'x cho tap'ʌ' yete u tep', chakintʌ' yok'o u kuchi tuku jʌsa' bʌk'.»
13Toj yayaj jok'i tu tiʌ a ángel u jer ne pimo', tʌn u k'ʌyko' K'uj y ku yei'ko':
14«¡Jach ne tsoy K'uj yok'o kʌ'!
¡Jach tsoy yoro' a winik yok'o lu'm a mok otsi u yira' ti' K'uj!»
15Y tuk'in ka laj bino' a ángeles ix kʌ', a mok ku kʌnʌntik a uj me', tu yao' yete u bojo':
—Ko'xe'x ix Belén, ak ire a beje' mʌni, a tu ye'sato' ak Ts'uri.
16Toj se'p' bino', y tu yiro' a María yete José, y a cho mejen xi'ra chakintʌ' yok'o u kuchi tuku jʌsa' bʌk'.
17Y ka tu yiro', tu tsikbʌta tio' a ba' a'bti' ti' a ángel yok'o a cho xi'ra. 18Y tu woro a mok tu yuo' a ba' tu tsikbʌto' a ku kʌnʌntik uj me', jach laj peknʌ u yoro' 19A María tu laj disa' tu woro a ba' tsikbʌtʌ' ti' yok'o u tuku, y tu tukra bʌj baiki u nu'ku a ba' tsikbʌtʌ' ti' 20Y suto' a ku kʌnʌntik a uj me', tʌn u k'ʌyko' K'uj y tʌn u yei'ko' jach ne tsoy ba' ti' K'uj a tu tu yuo' y tu yiro', a bex a'tio' ti' a ángel.
Jesús ku bisa' ix u yatoch K'uj ti' u ye'sa ti' K'uj
21Kaj mʌni ocho u k'ini, circuncidata'#2.21 Circuncidata': A je' lʌji' a t'ʌrʌ' u metko' u chuni ka'chik u winki israel a ku k'upik chichin u yot'e tuku ch'ur a meje xirao' ti' u ye'sik lʌjio' u winiko' K'uj. a cho mejen, tʌk'a u k'aba' Jesús, a bex tu toj a'a a ángel ka ma' yʌ sijik Jesús.
22Y kaj k'uchi u k'ini u meta' ti Jesús a bex uchik tu toj ts'ipta' u t'ʌn K'uj a Moisés, María y José tu biso' a Jesús ix Jerusalén ix u yatoch K'uj, ti' u ye'sa' a Jesús ti' ak Ts'uri,
23Bex ts'ipta' yok'o u t'ʌn ak Ts'uri: «Tu woro u yʌj chuni u xi'ra u tiʌ a ch'upra yʌn ti' u yʌ k'ubik ti' K'uj.» 24Y ti' u ts'ek bex ku yei'k u t'ʌn ak Ts'uri a bex uchik tu ts'ipta' a Moisés: Ka'p'e ts'ur, o ka'p'e meje uk.
25A lay u k'ini ix Jerusalén tiʌ junturi' xi'ra u k'aba' Simeón, y a je' a xi'ra ne tsoy u pixʌn y ne ku jach metik u t'ʌn K'uj, tʌn u ch'uktik u tar ʌnta' Israel; y u Pixʌn K'uj tiʌ yete ti'. 26Toj e'sa'ti' ti' u Pixʌn K'uj, mʌnʌ' u yʌ kimi yʌn u yʌ irik a Cristo a ku tuchi'ta' ten K'uj. 27A Simeón tʌra' ti' u Pixʌn K'uj, kaj bini ix yatoch K'uj, tuk'in u teto' a cho Jesús tu biso' ix u yatoch K'uj ti' u metko' a bex toj t'ʌrʌ' u metko' a judíos a bex uchik tu toj ts'ipta' a Moisés u t'ʌn ak Ts'uri. 28A Simeón tu mek'a y tu ya'a ne tsoy ba' ti' K'uj y bex tu ya'a:
29«Beje', Ts'uri, ta jach meta a t'ʌn a ta wa'a,
a ne k'ʌni' tsoy u yor u pixʌn, ta ka cheik u kimi.
30Beje' ti' wira ti' wich ak wʌj take'x,
31A to'o tech ta toj meta'
ti' u yirik tu woro a winik;
32Jesús lʌji' u sasi, a ku bin u saskinte tu woro a winik tak a moko' mo' judíos,
y jach tsoy ku bin ira' Israel.»
33José y María ne k'ux tsoy tu yua tu woro a ba' ku ya'bati' a Jesús. 34A Simeón tu ya'tio'; u yante'x K'uj, y tu ya'ti' a María:
—A je' a cho mejen tuchi'ta' ti' u yʌntik u winki a Israel a mok ku yui'k u t'ʌn K'uj y ti' a mok muj yui'k bi u ts'ae u bo'tik u si'po', a cho mejen lʌji' ku bin u ye'se baij ku bu mete K'uj y ne pim winik ku bin u p'akte, 35y bex ku bin u ye'se baij ku jach tukriko' yok'o u pixʌn a winiko', y tech María bi a wu'e p'is be jump'e maska' ku lama' yok'o a pixʌn.
36Bexi' tiʌ tita a Ana, a lʌji' a mok ku tsikbʌtik baij ku bij u tar u metik K'uj, u ch'upra u tiʌ a Fanuel, ti' u tar yok'o u winki Aser, ne k'ux nʌ'kʌ' u k'ini, ne chijʌntʌ kaj ch'a'bi y kʌjnʌ yete u lak' tajʌm u nʌ' k'ʌ' (siete) yaxk'in, 37a Ana yʌnti' ochenta y cuatro yaxk'in y kimen u lak'; y muj p'ʌtik u yatoch K'uj, ku meaj ak'bi y chuk'in y ku muk'tik u jʌnʌ y ku t'ʌnik K'uj. 38Chen ts'o'ki u tsikba a Simeón xok'i a Ana y chu'mpʌ u yei'k bay tech K'uj y chu'mpʌ u tsikbʌtik a ba' ku bi u mete a cho mejen ti' a tu woro a mok ku ch'uktik u tar taka' Jerusalén.
U suto' ix Nazaret
39Kaj ts'o'ki u metik tu woro a ba' a bex uchik tu toj ts'ipta' a Moisés u t'ʌn ak Ts'uri, suto' ix Nazaret to' u nʌj kʌjta, yok'o u lu'mi Galilea. 40Y a cho xi'ra tʌn u ch'iji, tʌn u chichta u yor y tʌn u ki' ch'eik u tuku y ne otsi u yira ten K'uj.
A cho xi'ra Jesús tiʌ yok'o u yatoch K'uj
41Tu woro a yaxk'in ku bino' u teto' a Jesús ix Jerusalén u k'ini a Pascua a tuk'in ku metko' u yo'cho' a judíos; 42y tuk'in k'uchi doce yaxk'in, nʌ'ki ix Jerusalén bex a nʌj t'ʌrʌ' u metko' u yo'cho'. 43Kaj suto', kaj ts'o'ki u metko' u yo'cho', p'atij a cho xi'ra Jesús ix Jerusalén, y mu' yue a José mix u nʌ'. 44Y tio' ku tukriko' ket yet bin a Jesús, ij ximano' jump'e k'in y tu kʌxto' to' u bojo' y a mok u k'o'mʌ, 45chen mo' tu yiro', suto' u kʌxto' ix Jerusalén.
46Y kaj mʌni oxp'e k'in t'upti' u yiko' ix u yatoch K'uj, kurukba ix u chumuki a bex a ku kʌ'sko' u t'ʌn K'uj a toj u ts'ibtamʌ a Moisés uchik, a Jesús tʌn u ch'extik y tʌn u k'atik a baij ku yui'k. 47Y tu woro a mok ku ch'extiko' u t'ʌn, ne jax peknʌ u yoro' ten a ba' tu tsikbʌta y a tuku sutik u nu'ku tuk'in ku k'ata' ti'. 48Ka tu yiro' a cho Jesús ten u teto', jach ne peknʌ u yoro'; y a'bti' ten u nʌ':
—¿Tiʌ', biken bex ta meta to'? A tet y ten tin kʌxtech y ne ti tukra in bʌjo' tuj binech.
49Y a cho Jesús tu nuka tio':
—¿Biken ka kʌxtikene'x? ¿Mo' toj a we'x yʌnti' in tar yok'o u yatoch in tet?
50Chen a tio' muj ki' uo' baij tu ya'a a cho Jesús.
51Y a cho Jesús bini yete u teto', y kʌ' suto' ix Nazaret, y tu woro a ba' ku ya'bati' u metik ten u teto' ku metik y u nʌ' tu disa' tu woro a ba' yok'o u tuku. 52Y a cho Jesús xuy' tʌn u ki ch'eik u tuku y tʌn u nʌ'kʌ u bake, y ne otsi u yira' ten K'uj y bexi' ten a winiko'.
Pašlaik izvēlēts:
:
Izceltais
Dalīties
Kopēt
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
Sociedad Biblica de México AC