Sam 43
43
Lisingising At Laradi I nemen At Lemenemen Kadiong
1O Moroa, una tong atkatla li rak do nia ap sepse, la una ru at lenep tarak tinedi limixin dixo nuunu ram. Una lox asepsu ia basinge limixin kaxarang la limixin kapmek. 2Nenu Lurutu See Pe rak, tila u on taba arulu ia? Tila nia a ekip tangarang amisik mi laxaloklok asongot limixin munepen minia dik lok kuxurung ia min?
3Una lox asuusu laxasep taram eburu mi levelinga ruturun tia; dunam gomgonga ia la duna lam ka amlong ia uto Saion, lakaana xaala ram, la uto bok at loogu laplavang taram nenu u nemen teren. 4Melemu nia anabat pas uto at loxonin laplavang taram, O Moroa. Nenu mun lavasuun at lomomo rak. Nia anabak pixan eburu mi ligita ti emi asu minu. O Moroa, Moroa rak.
5Tila nia ak bulu amisik? Tila nia amdoma saasa? Nia anam doma ngangais ti ne Moroa, kusu anaba emi asu amu bok min; ni Laradi Loklok Arooro rak la ne Moroa rak.
Pašlaik izvēlēts:
Sam 43: mmx
Izceltais
Kopēt
Salīdzināt
Dalīties
Vai vēlies, lai tevis izceltie teksti tiktu saglabāti visās tavās ierīcēs? Reģistrējieties vai pierakstieties
© 2011, Wycliffe Bible Translators, Inc. All rights reserved.