Populāri Bībeles panti no Mataio' 10

Dalīties

Ido' gilahe. Lingine nene neni' gono'ne vi dalizave lo nolingimiseluve. Lingine nene sipisipi ize ne'minisa minilisave. Sipisipi ize ingine lovo ve'inete ngibililisa ikevo ingine a'mido' alete mili ngibililiza gavoso'ine nomivo minaa' nani' ne'minisa nene minilisave. Ido' lingine vovo'ningu' vi miniliza aleve neve nene sipisipi ize ngibilaa' ani' loposo gulo ne'minisa nene minilisanaze. Lingibilikelizaze. Nemu' lingine nene gosihe' iga' nani' ne'mine igi gatine lamine' gili gizebo ilo. Ido' nama viluso iga' nani' ne'mine igi honguvo' li minilo.

Ido' ve ma aza helelohe helelohe lo oko'nomu' golise golise gelo minelive nene alinge' helosa minevo' minevo' emeni dameni damoloseive. Ido' ve ma aza neni' ne'meto novilingu' bili hililizani' nene alinge' minevo' minevo' emeni dameni nene mo daloseive.

Evene' ingine okodinevo' nene ha lingibili hililizani'za lutine nene ngeli di gopo amilisave. Engikumu' golise gilamilo. Mudise lutinesi okodinesi oloku' hulo lengebele heleli amuzo'vesi minive O'mosomukovo' nene golise gili minilo.

Ido' ve ma mulumo inite' i-lidi lohoto' zalo' libilikelizave li geli a'manapa igi ne'metamilizani' nene neze zuho gehepeve minilizani' votigilelo' minamilisaave.

Ve mali'mo neze gulive'ne evene' mukiliti ve'nido' lo soto' iline' nene eze gulivesi me'nehi velelo' Okulumoku' lo soto' olosuve. Ido' ve mali'mo nenikumu' evene' mukiliti ve'nido' ningamuve ve lo ataize lo-nedeline' nene ezemukisi ningamuve ve lo me'nehi velelo' Okulumokuko lo-delesuve.

Ido' inite' gizi dave nene di lamine' i-ngidilo. Ido' hili nilizanguti' nesi di oti-ngidilo. Ido' ganadise gizi dave nesi di lamine' i-ngidilo. Ido' sikalahu' goloso evene' lu'ninguti' nesi ngimiseli hulilo. Ne'mine mana'mine o-ngedaa' amuzo nene meni hizi ma damaze. Lingine haza ne'mine mana'mine i-ngidilo.

Ido' lingine neve nama ngomo ngomo muki' nene ngivile' igi inite' naba nizanako nemu' nene golise gilamilo. Lengita inite' ngomo lasolo nesi goloso ogalive lo godotine zopovo muki' nene gate osu' lo nelokisi gizebo oga' neive.

Naza lemo uvoni' nemu' nene misubo mukiku' lovo muki' nene osu' lavo evene' muki' nene honguvo' li minilisave li gilamilo. Naza lemo uvoni' ne'mo evene' muki' nene hongu li minami lovo hizi minilisave.