Populāri Bībeles panti no Zohane' 15

Dalīties

Ee, neni' nene vaini nala' ne'mi zava've nene nouvo lingine nene a'nava ne'mine nene nizave. Ido' neni' nene hize ele' o-ngedamuvo inite' hamokisi ma amilisanako ve ma ingine nenita gi'mizi nizavo naza inginela gi'mizo minelove nete nene gihile vai' goloso izilisave.

Nemu' lingine nenito' nene gi'mizi gili' li minilo. A'mine'mine ogo naza linginela gi'mizo minelove. A'nava ne'mo zava'velo' gi'mize minamiline' nene asi've ngelo gihile izamoloseiha zava'velo' gi'mize mineline' nene gihile izeleseive. A'mine'mine ogo lingine nenita gi'mizami minilizani' nene gihile ma izami asi nenita gi'mizi minilizanikovo' nene gihile izilisave.

Lingine nenito' gi'mizi minilizani' nene nanite' nanite' dalisa gililizahe a'minemu' lilizani' nene me'neho ha gele lengemavo dalisave.

Lengi' nene gomu' apizi neni' nene lengi' ve li ma di ti' amave. Asi neni' neve lengi' do ti' uvoni' nene vi gono dikevo minevo' minevo' iline' gihile nene izelive losasi ido' lingine neni' ve'nemu' igi me'nehida voku' nanitekumu' lilizahe a'mine inite' nene lengemelive losasi do ti' o-lingiduvoni' ve.

Ve mali'mo eze zogo alevemu' oko'no hulo labuluvo ogosa heleline' nene lulo atoli'mine gehepeve ogo ngeme minosa nene ne'mine iline' nenako lulo mo ngemo minine' votigile nene ivile' ivosa lulo gohi ngemelido' ngelo minamoloseive.

A'mine neniku' a'nava ne'mine mini gihile izamani' nene huko do hulaa' neive. Ido' gihile izi minani' a'nava mukiku' nene gihile mo vai' goloso izelingumu' ve lo sisive do do lisihe' gehepeve oga' neive.

Neni' gamazi ma lo huko lo-lingiduvoni' ma nene ne'mino neive: Naza lu'ne lengi' lengeme nouvoni' ne'mine igi linginesi nene ge luka neme ne lu'ne geme livo' minilo.

Ido' lingine gihile vai' izi neni' izipaha'ne zuho gihile lili' igi minilizadoti' nene me'nehine di hozi li-dilisave.

Izesu' imine' molo ti' lo lo-ngimine': Neni' nene vaini nala' ne'mi zava gehepeve ne nouve. Ido' me'neho neve nene a'mine vaini nalato' gizebo ve ne neive.

Ve ma ingine nenito' gi'mizi minamave nene za a'nava huki hulikevo goko' lavo di nubuho igi oloku' gizikevo laa' neine' ne'mine nene nizave.

Gamazi mene nolo-lingimuvoni' nene lu'ne gulumo avile lisivo minaa' nouvoni' monovo nene lengitasi minivo a'mine ne'mo vai' lo lingibilivo minilizave losa noluve.

Naza me'neho lo huko lo-nidine' gamazilo' e'meto mino me'neho lulo nimido' lisihe' ivosa minaa' nouvoni' ne'mine igi linginesi nene a'mine'mine igi neni' lo huko lo-lingiduvoni' gamazilo' e'meti minilizani' nene lu'ne lengeme'mo vo minelodo' vo lisihe' ivosavo' nene minilisave.

Naza nene mo ne'mine lo nolo huko-lingiduve: Lingine nene ge luka neme ne lu'ne geme li minilo.

Lingine nene a'mine me misubou' aleveti mulise'ninguti' minadiniko ingine lengikumu' nene leli' aleve ve li zogo mili-lingidadine. Ne'mine adine'za engi' muliseuti' lengi' nene neni' ve lo do kegese-lengedo do nenita o-lingiduvoni' ne'mo nene biluva' nii-lingidave.