Populāri Bībeles panti no Tito 1

Dalīties

Benne' caní dxelenné̱' zaj núnbe'ene̱' Dios, san da dxelune̱' dxulé'e na quebe naca da li da dxelenné̱'. Zaj naque̱' benne' we̱n da sban, ne benne' we̱n da cale̱la, ne quebe xelezéquene̱' xelune̱' tu da xrlátaje.

Xúgute̱ naca na xrlátaje chee̱ benne' ca' zaj naca xrlátaje xichaj lázrdawe̱', san chee̱ benne' ca' dxelune̱' da sban, ne québedxa dxeléajle̱'e̱ chee̱ Cristo, quebe bi de̱ da naca xrlátaje. Zaj nazrinnaj xichaj lázrdawe̱'.

Dxal-la' gaque̱' benne' nuzúa cuine̱' chee̱ dizra' li. Dizra' li naca na da bse̱de nu benne' le̱' chee̱ séquene̱' gusízrene̱' benne' xubla ne̱ chee̱ da li da dxusé̱dene̱', ne chee̱ séquene̱' guzexruje̱' lazre' benne' ca' dxelenné̱' chee̱ da li na'.

Lawe' da xu'u lu ne̱'e̱ zrin chee̱ Dios, tu benne' dxuxúe̱' benne' zaj nababe̱' chee̱ Cristo: Dxal-la' gaque̱' benne' quebe bi zua da gagu na zria chee̱'. Quebe dxal-la' gaque̱' benne' dxucá'ana szren cuine̱'. Quebe dxal-la' gaque̱' benne' xichaj zra'a. Quebe dxal-la' gaque̱' benne' dxé'aje̱' da dxuzuzre na le̱'. Quebe dxal-la' gaque̱' benne' dxedíl-lale̱ne̱' bénneache. Quebe dxal-la' gaque̱' benne' dxucúdee̱'. Dxal-la' súate̱ze̱' si' lu ne̱'e̱ benne' zjaque̱' lizre̱'. Dxal-la' gune̱' da naca cháwedau'. Dxal-la' gaque̱' benne' nna be'e cuine̱'. Dxal-la' gaque̱' benne' xrlátaje. Dxal-la' gaque̱' benne' nuzúa cuine̱' chee̱ Dios. Dxal-la' gaque̱' benne' dxuzéajni'i cuine̱'.

Tu benne' gula chee̱ xudau': Dxal-la' gaque' benne' quebe bi zua da gagu na chie̱'. Dxal-la' súale̱ne̱' tuze nu'ula. Zrí'ine̱' dxal-la' xelácabe' bi ba dxéajlí lázrebe' Cristo. Quebe bi da zrinnaj dxelún zrí'ine̱' ca', ne quebe gaca nu gagu zria chee̱ da dxelunbe'.