Populāri Bībeles panti no Salmos 119

Dalīties

Ca tu xi' naca xrtizru' naga dxedá', da dxusení na neza xu'a.

Lu xichaj lázrdawa' tu dxúnzqueza' ca da dxennáu' Lue' chee̱ quebe guna' dul-la tábaga' Lue'.

¿Ájala gun benne' cuide' gunbe' da naca na xrlátaje? Dxal-la' tu gúnzquezebe' ca dxenná xrtizru'.

Ba neza zrente̱ naca na chee̱ benne' ca' tu dxelúnzqueze̱' ca dxuse̱de dizra' chee̱' dxi'u, na' dute̱ xichaj lázrdawe̱' dxuluzúe̱' dizra' chee̱'.

Nacu' Lue' ca tu xu'u naga zua chawa', ne ca tu da dxucu'uj na neda', lawe' da dxebeza lazra' gaca na ca dxenná xrtizru'.

Bzéajni'i neda', na' tu gúnzqueza' da bdxixruj be'u, na' dute̱ lázrdawa' guna' ca naca na.

Be̱n sa lazra' guna' ca dxuse̱de dizra' chiu' netu', chee̱ quebe gaca' benne' wecude.

Chawe' naca bzéxruju' neda' chee̱ gusé̱dia' guna' ca naca xrba chiu'.

Gate na' guzaca zi'a, guzúa tu da bexúe zren na neda' lawe' da be̱n dipa xrtizru' xichaj lázrdawa'.

Ble'e neda' chee̱ guna' da bdxixruj be'u, lawe' da dxaca lázrequeza' guna' ca dxenná na.

Xran, bse̱de neda' chee̱ guna' ca naca xrba chiu', na' tu gúnzqueza' ca naca na ca zrindxa zra cheajsé̱ chia'.

Dxedú lazra' lawe' da dxewí'ine lázrele̱'a. Be̱xru chacha neda' ne̱ chee̱ xrtizru'.

Dios, nazrí'ile̱'e̱da' da bdxixruj be'u. Du zra dxulaba lazra' ca naca na.