Populāri Bībeles panti no San Mateo 10

Dalīties

Na' gunná Jesús: ―Le na' xque nigá. Neda' dxesel-la' le'e, gácale ca zrila' zaj zraba' ládujla becu' xi'a ca'. Chee̱ le̱ na', le gaca sina ca zaj naca be̱la', san le gaca dxexruj lazre' ca zaj naca bgúgudu ca'.

Benne' dxaca lazre̱' gapa chi'e̱ xel-la' nabán chee̱' gunitie̱' na. Bénnea' zúatequeze gudée̱' xel-la' nabán chee̱' ne̱ chia' neda', guselé̱' xel-la' nabán chee̱'.

Quebe zrébele benne' xelútie̱' be̱l-la' dxen chee̱le. Quebe xelezéquene̱' xelútie̱' bénne'du xu'ule. Le zrebe Dios. Le̱' dxezéquene̱' guzría xi'e̱ be̱l-la' dxen chee̱le, ne bénne'du xu'ule lu lataj ba xa'.

Che tu benne' quebe gun cuine̱' ca tu benne' zéajte̱'e̱ le̱'e̱ xaga béguaj, ne gune̱' neda' tuze, quebe naca chee̱' gaque̱' chia'.

Na' gunná Jesús: ―Xúgute̱ benne' ca' dxelexeche̱be̱' zaj naque̱' chia' neda' lau bénneache, cá'anqueze neda' weché̱bequeza' zaj naque̱' chia' neda' lau Xra' zue̱' xabáa. Benne' ca' quebe dxelexeche̱be̱' zaj naque̱' chia' lau bénneache, néda'queza' québequeze xeche̱ba' zaj naque̱' chia' lau Xra' zue̱' xabáa.

Le xexún benne' zaj xu'e̱ we̱' guzru', ne benne' bila xízrawe̱' dxelé'ene̱'. Le gusebán benne' gate. Le xebéaj be' xriwe̱' da zaj xu'u bénneache. Cá'aze guzile xel-la' dxenná bea nigá, na' cá'aze le guchine na, quebe bi sile.

Chee̱ le̱ na', quebe zrébele. Zácadxale le'e quézcala be̱ zan bxínnedu ca'.

Na' gunná Jesús: ―Quebe guéquele bla'a neda' chee̱ guzúa' xel-la' dxebeza zri lazre' ládujla bénneache. Bla'a neda', quegá chee̱ guzúa' xel-la' dxebeza zri lazre', san chee̱ guzúa' wedil-la.