Populāri Bībeles panti no Zuwã 1

Dalīties

Ni'wam norĩ si ma tô saze za'ra. Ma tô duré sô titob'uzu za'ra. Tahawa, ta norĩ ma, ma tô pisutu za'ra, 'Re ihâimana u'âsi mono 'ra na 're nomro mono da hã.

Romna'rata ãma te Imreme na isisi hã 're hâimana u'âsi. Ta hã 'Re ihâimana u'âsi mono siré te 're hâimana u'âsi. Ta hã tô, 'Re ihâimana u'âsi mono.

Rowa'a hã te robra wi te te 're rowa'a. Robra hã te te ãma ai'uté waihu'u õ di, rowa'a ãma hã.

Imreme na isisi hã ma tô sihâiba, a'uwẽ na. Ma tô duré wasiré 're hâimana. Ta hã simizawi pese uptabi di. Duré ta hã ma tô uburé wama hâi'ré za'ra, 'Re ihâimana u'âsi mono ãma tô sena rowaihu, 're ihâimana mono zé hã. 'Re ihâimana u'âsi mono 'ra wa, waihu'u pese uptabi na 're imorĩzé hã wa tô duré 'madâ'â za'ra ni, Õhõ si misi I'ra wa, Timama hawi te te i'âri hã, wẽ uptabi na 're hâimana mono da.

'Re ihâimana u'âsi mono hã taha ma, te te i'ruzéb zarina ma tô uburé te te ro'apoto. Ta hã hâimana õ 'wa'âhã, marĩ hã hâimana õ uptabi di aré. Taha si te dahâimana u'âsi zém nhomri'wa hã 're hâimana. Ta hã duré dama rowa'a'wa, ti'ai ãma hã.

Tawamhã awẽm na hã Zuwã Batista hã, Zezusi itẽme imorĩ na te te sãmri wamhã, ma tô dama 'mahâ, ãne: — Ma'ãpé 'madâ'â za'ra wa'aba! Õhõta Pone'ẽrebâ i'rare, 'Re ihâimana u'âsi mono te te ipisudu, ti'ai ãma dawasété zani'wa da hã.

Imreme na isisi hã ma tô aré ti'ai ãma dasiré 're hâimana. Ta hã, 'Re ihâimana u'âsi mono zadawa para te te ro'apoto mono nherẽ, ro'apoto mono 'wa na hã da te waihu'u za'ra õ di. Ta hã tisiré Zudeu norĩ u, ma tô we aré mo. Tane nherẽ, ta norĩ hã te te siwi âri wẽ õ di.

Rowa'a'wai uptabi hã ma tô we datẽme mo ti'ai u, uburé te te dama 're rowa'a mono da.

'Re ihâimana u'âsi mono hã tinhimiroti zahi hã ma tô Mozésihi ma waihu'u, te te ãma rob'ui'éré da. Tazahã, isimizawi pese zé hã duré 're ihâimana mono zém na tô sena rowaihu hã, ma tô sina hâi'ré, Zezu Cristu hã.