Populāri Bībeles panti no Umatiu 27

Dalīties

He inde-ikie le ishu, Ujeso a kung kaang he igie ibel le, “Eli, Eli, lema sabake-tani,” ashi ki ze le, “Unim ugi, Unim ugi, kibang a, wo mọ mi?”

Kihwọm kikandi ashi be tye tang kipo he afee Ushọm Unim, ki gie kung le he kusi be tang he itang. Isun i ma kwuo. Akọ a kpam gie bigie. Akwun a buu ingwu fel hwuo. Agwo bendi Unim gbam abe be ma hwo le-iti, be tem wum.

Ujeso a mbee kung kaang, u tyang kunyọng kuma abwo.

Ukandi ishogya le ishogya ima abe be ma yi naa ha be kang Ujeso, be nde na isun i kwuo le biwọm puu abi bi shi. Be fel he kushel kaang. Be de le, “Ungikye angwun u yi Unwaa Unim a kigyang-kigyang.”

He libwee kudyan lishi, kifufeb ki ma gye kpen he kubọng kumen ana kpam le kwọm he inde-ikie le ishu likwu-lukwu.

Upalet a bii abe le, u ha shi Ujeso angwu be ko le Ukristi na a? Be de-e le, “Maa gwu-e bee he kikpakpa!” Upalet a bii abe le, kibang kibibi ashi a shi ukpọ? Be kung gaa kaang le, “Maa gwu-e bee he kikpakpa!”