Populāri Bībeles panti no Matáyoso 7

Dalīties

«Ónuófoón báganúfa; ánuambá, nugɔfuɔg, énukilídín, bégenúfunin.

Gá guán ewe wófonó gúdáŋábá, ewe wambaná gɔfuɔgɛn, ewe ukilené, bégúfunen wɔ́.

«Kányɛ gɔ́g gunyá ká, mɔnd umɔ́nuɔ́b gugál ugú mmánumán gúgála, wala gɔɔ́gɔ nɔ́; Ugabá anɛ mɔnd wa nsiŋi umáafuág gians giág agá nɛdany.

«Ánualá bɔsɔ́gɔ́ manda gidigid ɔmɔ́ banuá nubílénené ká bánuála. Anaány bisele na imbɔbɔnɔ sá mubús má Gɔdányá ɔ́yɔnɔ́.

Ɛnɛ́ nínyá nisɔ́ndíŋɔ́nɔ́n nyɛ́ na gusɔ́d, nŋili yɛbaná kɔ́ nyɛ sɔ́n isɔ́ndíŋɔ́nɔn, band bádɔ́mbanɛná kɔ́ dɛbá nsɔ́b.

«Énubíŋínín agá niíd nínyá nisɔ́ndíŋɔ́nɔn gaguál ká niíd nɛnyá gianta nyɛ ná bunyím, nŋili yɛbaná kɔ́ dɛbá múyú. Giod gá band guándaan gá yɛ́.

Búmábá gɔg ká banuá nunyá babɛ, nugɔ́lɛnsan guéŋin baan bán bɛnɔg bá manda, bigúl bíníg Sié wanɔ unyá ugumuana diábáná bágual wéŋeen bɛnɔg bá manda gá ebe bófonó wɔ́ e?

«Nudidélímén anyɛ besúmb bɛsan bá bɔsɔ́gɔ́, ány bádɛgasɔ́mba bán. Gá guán, nɛnama ɛnɛ́ núsɔ́mbaná bɛsan bá bɔsɔ́gɔ́, anaány sɔ́n báganúsɔ́mba bán bɛsan. Nuged unú nugedenyinyé na nɔ́, nɔ́nɔ́ sɔ́n bégenúnúgédi na nɔ́.

Mɔnd gidigid wɔ́bɔnɔ́ gugál ugú mmánumán gúgála, udifuógí gú nyɛ anɛ mɔnd wa kand nsiŋi umáafuág gians gág agá ensénseny.

Góbúsió bá giág alɛ́ŋaná ɛ́mfɛna sínyá agá niís ná endimen wɔ́w, adián gianta gá gifumbu gɛ́nyá gá inɔ́w e? Ɔ́gɔ ká nanyá ányá bágual gá endimen wɔ́w ká “Ál guɔ́b ana nŋuéli ɛ́mfɛna isiány ɔgɔ́w gá niís”, Aŋuá ee, anyɛ na gianta gá gifumbu gá inɔ́w.

«Ánɔbɛ́nyáŋanyáŋ mubús má bɛsɔbɔ múnúleniné anɛ bɛdɔ́mbá bɛ́diásáamáná, nányé agá ɛdɛm sɔ́b nágadá bányɛ́ mbál sɛ́nyá fiaŋ gá gúnúláfa. Nugalɛnsan mú gɔ́b gá bielínyélínyé. Bágúgása moliómilióm agá dulendu e? Ɔ́gɔ ká magál gál agá akál e?

Buand búmoóm sɔ́n, bɔdɛ́d gidigid búnyá bese guómo bɛsamɔ bá bese, ubúnúmaná guómo biád bá bɛsamɔ.

Bɔdɛ́d bá bese dɛbá bóguóm bɛsamɔ binyá bɔbɛ, anaány sɔ́n bɔdɛ́d búnúmaná diábáná bóguóm bɛnɔg bá bɛsamɔ.

Bɔdɛ́d gidigid búdiómónó bɛnɔg bá bɛsamɔ, bágasɔ́mb bɔ́, bóŋig agá yoóg.