Populāri Bībeles panti no Matáyoso 19

Dalīties

Yésu uwadál bɔ́ eŋís soóŋ, uganyɛ ká: «Gá band, búdɛ́bá bágúbiál, agá Gɔdányá buanda gidigid nyɛ bágúbiál.»

Anaány bádɛ́nuánd gubá bándɛ, bágabá nuɔ́l númoom. Gɔɔ́gɔ mɔnd diábiánáná ká wádɔ́n buanda ubú Gɔdányá máalada.»

Uganyɛ gɔ́b ká: «Nudɛmabán agá mbɔbɔnɔ ká, Oluŋi agá nidúmín malɔŋɔ bɔ́, na anɔ́mandɔ na agánd e? Gɔdányá uwɔyɛd sɔ́n ká: Buád buanda, anɔ́mandɔ ganútɛ́n na sié na inyódió, wabɛ́lád agany, bem bándɛ́ bónd nuɔ́l númoom.

Yésu ganyɛ gɔ́b ká: «Ánutɛ́n baábayɔ bóloon agamia, nudilegeén bɔ́. Gágual ká bufuŋ bá muana guɔ́bɔnɛn ebe bányá anyɛ bɔ́bɔ́.»

Ebe bányá bá busió nɛ́nuán, giod gabá bégúsúgúdenyi. Gɛdam gá ebe bányá bégúsúgúdenyi nɛ́nuán, giod gabá bá busió.

Ebe gidigid bámáatɛ́n duyá dɔ́b, belimén bɔ́b, besié bɔ́b, binyódió bɔ́b, baan bɔ́b gúmén bisién bɔ́b gám góbusió, gadáŋáb bɔnɛ́m giod gudúmbidenyi na gusɔ́d gá kand nɛmanɛ́ná.

Yésu ganyɛ gág ká: «Ɔ́gɔ aguámba gugindibenyi, ɛmbɛ, dú manda mɔ́w gidigid abiananá, agaal émédú, éŋin basɔ́gasɔga muonyi umuány, agabia bɔnɛ́m ugumuana, agá gélem ány, ól, áŋlád.»

Yésu guondinyi ká: «Gágiág oŋófonó nŋofúny gá ubú búlɛ́ŋaná bese e? Táŋ omoom unyá bese. Ímábá aguámba gubíŋín agá gusɔ́d, bɛ́dɛ́gan bisele.»

Mmaánd gúnuɔ́yɛdɛn ká, búnyɛ meyú ká gianta gá bunyam gínyá ɔfɛ́n ká samó dɔ́mbɛ́n agá giés gá ndɔndɔ, gɔɔ́gɔ anyɛ́ búnyá sɔ́n ményí meyú ká ɛnɔ́m sá band ká síbíŋín agá Bufuŋ bá Gɔdányá.»

Yaŋuá mmɔɔnuɔ́yɛ́dɛ́n gɔg ká mɔnd mákɔ́ŋɛd agany waga gágual ká, agánd uwaány dɛmáal gɛdáŋa, ugiŋ omodió, umáal gɛdáŋa.»

Yésu ganyɛ gá bafɔ́nɔfɔ́n bág ká: «Ngúnuɔ́yɔɔn agá meliŋítas ká búgabá meyú gá ɛnɔ́m ya mɔnd ká íbíŋín agá Bufuŋ bá muana.