Populāri Bībeles panti no Lúka̱s 13

Dalīties

«Gu̱xna̱-míjnálaꞌ tsiakhe̱ rí ma̱ta̱ꞌa̱ꞌlaꞌ ná naꞌthán-ñájun Ana̱ꞌlóꞌ ga̱jma̱á majñu̱u̱ xkrugua rí na̱nguá ma̱jña̱ꞌ. Numuu rí maphú mbaꞌiin xa̱bo̱ ma̱gúún gátu̱ꞌu̱ún jamí ma̱xáxóo gátu̱ꞌúu̱n.

Ikhín gída̱ꞌ mbáa nána̱ tsí timbá gu̱wa̱ꞌ-nítsu i̱tsu̱ (18) tsigu eꞌne rí najáñuu. Mbáa gíñá ꞌguéen naꞌne rí nde̱tse̱ tsu̱du̱u̱ jamí nitháan tsíyoo gáwi̱jii̱ jmbu. Ído̱ rí Jesús ndiꞌyoo nána̱ tsúꞌkhue̱n, a̱ꞌkhue̱n nindxaꞌwóo̱ jamí niꞌthúu̱n: «Nána̱, na̱gu̱ma-jríña̱áꞌ inuu nandiaaꞌ».

A̱ꞌkhue̱n Jesús nixkajma ga̱jma̱á nájma̱ ñawúun ná tsu̱du̱u̱ nána̱ tsúꞌkhue̱n. Núkho̱ ni̱wi̱jii̱ jmbu, jamí nigíꞌdu̱u̱n neꞌne-mba̱a̱ Ana̱ꞌlóꞌ.

I̱ndo̱ó máꞌ numuu rí júwa̱ꞌ mbá tikhuun xa̱bo̱ tsí na̱nguá gíꞌdoo numúú xúge̱ꞌ, ikhiin tsúꞌkhue̱n phú ma̱gi̱ꞌdoo numúú nda̱wa̱á. Jamí júwa̱ꞌ mbá tikhuun xa̱bo̱ tsí phú gíꞌdoo numúú xúge̱ꞌ, ikhiin tsúꞌkhue̱n náxági̱ꞌdoo numúú nda̱wa̱á».

Ído̱ rí ni̱tu̱xu̱u̱ꞌ máꞌ xa̱bo̱ tsí guꞌwóo gárugua̱a la xkrugua, a̱ꞌkhue̱n rí ikháanꞌlaꞌ tsáanꞌ ninguanálaꞌ rixa̱á mu̱gíꞌdi̱ín mu̱tha̱n-ráꞌalaꞌ: “Táta̱, atarmáꞌtháá ma̱ta̱ꞌa̱ꞌxo̱ꞌ”. Xómáꞌ ikhaa̱ mariꞌñalaꞌ: “Tsíyo̱o̱ náá xa̱bo̱ ñajwanlaꞌ”.

Na̱nguá. I̱ndo̱ó máꞌ numuu rí ikhúúnꞌ na̱tha̱nꞌlaꞌ: xí tsíthanga̱a a̱kia̱nꞌlaꞌ ná inuu Ana̱ꞌlóꞌ, ma̱ja̱ñálaꞌ mbá xúgiáanꞌ mangáanꞌlaꞌ».

Xómáꞌ ikhaa̱ mariꞌñalaꞌ: “Ni̱tha̱nꞌlaꞌ máꞌ rí tsíyo̱o̱ náá xa̱bo̱ ñajwanlaꞌ. ¡Awaxo̱nlaꞌ janíí ná inuꞌ, mbá xúgiáanꞌ ikháanꞌlaꞌ tsáanꞌ nu̱ne̱laꞌ rí xkawe̱ꞌ!”

A̱ꞌkhue̱n niꞌthán Jesús: «Dí ñajuun ma̱goo ma̱jmaa kajngó mi̱ꞌthán xáne Ana̱ꞌlóꞌ naꞌthán-ñájúún xa̱bo̱ róꞌ. Dí ñajuun ma̱goo ma̱ne̱ xkri̱doo ne̱ róꞌ. Xómá tsígoo ya̱ꞌwo̱ rí mbiꞌyuu mostása̱ jaꞌnii ne̱, rí naꞌdu mbáa xa̱bo̱ ná mbayuu. Ikhaa rúꞌkhue̱n nagaja̱a̱ asndo naꞌni̱i xómá mbá ixe̱ mba̱a̱, jamí nune̱ xáñúú ño̱ꞌo̱n ná ñawúun ne̱».