Populāri Bībeles panti no Johani 16

Dalīties

Ni na mi ambera eyi enu ci mwa kwikare no thsiyaro mu mwange. Muno mu kaye kenge mwa kwikara mu makando. Unone mu tanare micima, inene na ni othzo kaye.”

Ou a ku keya aye Mupepo o shemwa, kenge a ku na mi tangerera mushemwa ouhe, inene ka a ku na ciambera kokoro wenthzi, unone kenge a ku na amba eyi naa yuvu, karo a ku na mi rawera enu eyi i keya.

Shime ku na kuma rerodino ka mwa rombapo thsimweya mu dithzina dyange. Mu rombe, karo kenge mwa ku piwa, ci thsinyanyu thsenu thsi kwanenene.

Naa mi tongwera yoshemwa ci ku di nawa ci ame ni thze, inene ngeci ka na ku thza, Mukwakukwathsa ka a ku keya ku kwenu. Uno honi yoihe ni thza, kenge na ku ka mu tuma ku kwenu. Ou a ku keya kenge a ku na monithsa anu mu kaye thsivi thso no ku wa monithsa owawa no raturo

Dyo i di ku kwenu, mu mathsiwa mu di pano unone kenge na ku mi mona karo, karo kenge mwa ku nyanyuka, karo kwithsa oyu wa ku mi nyanga thsinyanyu thsenu. Mo diya diyuwa ka mwa ku nipura thsimweya. Naa mi tongwera yoshemwa ci, yoihe eyi mwa ku romba Tata mu dithzina dyange, kenge a ku i mi pa.

Naa mi tongwera yoshemwa ci kenge mwa ku dira makuano mukaci keyi ya ku tendahara ku kwange, unone kaye ako kenge ka ku nyanyuka. Kenge mwa kwikara mu mathsiwa, unone mathsiwa enu kenge a ku piruka thsinyanyu.