Populāri Bībeles panti no Matyo 13

Dalīties

Mbum tsa tsɨ vwókɨ́nɨ́ atú ɨshe nɨkomə lá, be lá tso ɨbɛn ba bɨ zuʼnɨ nkən wa, ndzuʼ nkɨ nji anu za ɨ diʼnɨ; bo konɨ mɨntam, bə tse nkfu nkɨ wu fɨgɨnɨ, bə mɔʼɔ nkfu mɨghúm mi ntugə, bə mɔʼɔ nkfu mɨghúm mɨntárə́ ghe.”

Mbum tsa tsɨ vwókɨ́nɨ́ a mu kyɛrə-kyɛrə be lá tso ɨbɛn ba bɨ zuʼnɨ nkən wa, lá ɨnu atuəshe abɔʼnɨ akɔŋnɨ za bo tsinɨ nɨ zɛrə a nye afuʼ, tsɨ lo ɨ fumsɨ nkən wa ɨ keʼ mɨntam mə tsɛrə konə.

Ɨbɛn ba mbáʼ bɨ zuʼnɨ nkən mbɨ́ʼ Nɨfɔ nɨ Ŋwi, lá nkeʼ zuʼ nkɨ nji, bo be lá tso mbum nchwi tsa tsɨ vwókɨ́nɨ́ alaŋ a ndóm lá. Wu Ntɔmnɨnɨ a yen ɨ fe nkən wa bo zúʼnɨ́ lá ngɛn nɨ wɛrə ghe.

Mbum tsa tsɨ vwókɨ́nɨ́ atú aláŋsə́ ngɔʼ be lá tso ɨbɛn ba bɨ kwarɨnɨ nkən wu shiʼnɨ nɨ nɨdorɨ tsɛʼ mbáʼ bɨ byinɨ soŋə. Lá ɨ bvurɨ mɨngaŋ a ntəm bo tɨ twəŋ, bo tsitɨ tsɛʼ a nye məkum a nkfu ə. Ma lan, ngɨ́ʼ abɔʼnɨ ndɨgə yen mbɨ́ʼ nkən wa, bo byi nyɛʼ a wɛrə nkɨə awa ghe.

“Nɨfɔ nɨ fɔməbvurə be tso ɨnə. Ŋwɔn a zɛn azúm atɨŋndvuŋ zə tsɛrə za bɨ lwɛʼnɨ a mu ɨshwom ə. Mbə nyaʼ mbɔmtɨ wədiʼ ntiʼə ndánə́ ndórə́ a nye mbon wa a kwɛnɨ ngɛn ɨ fen azúm atsum za zɨə tsinɨ nɨ zɛrə, ntiʼ mbə ngɛn ndzuŋ ɨshwom wa.”

Lá mbum nchwi tsa tsə mɔʼɔ vwókɨ́ atú ɨshe nɨkomə ɨ fɨgɨ nchwi zɨ shiʼnɨ ə. Tsɨ tse fɨ́gɨ́ mbum nchwi táʼ nkɨ, tsə mɔʼɔ mɨghúm mi ntugə, tsə mɔʼɔ mɨghúm mɨntárə́ ghe.”

Nyɛʼtɨnə á ɨtsum tsi bá kwi nkɔʼ nkuʼ a nkfu ɨ fuʼə ghe. Ma mɨ tiʼ soŋ a mbó ngaŋ ɨ fuʼə ngə́ ghǒtɨnə atəsɔŋ za a ntsambyi, nkórɨ́kɨnə a nye mɨbɨŋ ntɔn lá ngotɨ mɨdzɨ ma ɨ saŋ a mu ntaŋ mɨdzɨ ɨghə.› ”