Populāri Bībeles panti no Romans 4

Dalīties

Ugpeqinaniimangituq talwa aygughikumangitaa Kiyaghneghem akequsaa. Iwernga ugpeqiighataghaqaq, usuqegkaallu Kiyaghneq. Abraham‑em ipapighqutkengngwaaqaqaa Kiyaghneghmun piyaghqaqniluku akequsaqegkani.

Akuzitni Igaqegkani igaqngaaq, “Atangughtestamken uglapiglleghhiinun nunat yugitnun.” Kiyaghneghem tawaten akeqegkaqaa Abraham qayughllak ugpeqegkanga Kiyaghneq. Kiyaghneghuuq tuqukaneng unguvaghtikayuk, qelghilleghmikunllu ulimatkayuk sameng sangilngughmeng.

Kiyaghneghem tuunegkaqaa Jesus tuqumatkesqelluki seghleghqelleput, unguvaghtekaqaallu nallghusaghnaluta elqughutngalleghminun.

Abraham‑em avaqutilleghqaa sighimaniitkaaguq. Iwernga ugpeqegkaqaa Kiyaghneq, sighimakumanginaqaqaallu. Enkaam atangughtekaaguq uglaapiglleghhiinun nunat yugitnun. Whaten Kiyaghneghem pikaqaa, “Kinguneghten kestepagningisaghqaagut.”

Tamaaken apalluqluku ugpeqilleghmegteggun yuget allgeghtaat Kiyaghneghem akequsaa akingilnguuluku tunusaq. Enkaam qamaglluteng Abraham‑em kingunghita allgeghtepestaaghlleqaat Kiyaghneghem akequsaa. Taana akequsaq Jews‑nginaghhaghnun ayuqenghituq Liilightuusalegnun. Iwernga ugpeqilghiinunllu ayuquq Abraham‑em ugpeqillghatun. Enkaam Abraham qamaglluta atakaghput ugpeqilghiini.

“Quyastekaagut tamaakut seghleghqellghit Kiyaghneghem seghevutkii, anaggutellghit saapegkii! Quyastekaaguq yuuk seghleghqellghi Atanghem sumeghmiknaniqangi.”

Akuzitni Igaqegkani igaqngaaq whaten, “Abraham‑em ugpeqegkaqaa Kiyaghneq enkaam ugpeqillgha apalluqluku Kiyaghneghem tugukliqaqaa elqughutngalghiinguluku.”