Populāri Bībeles panti no MATIYE 13

Dalīties

Sərdə kaa gaalaŋ yaŋ, teŋ haa damdi ko bə cimə-cimi bə minti dər kar vaŋ adaŋ ana. Yə iski kel kə Pepeŋ, yə iskiy guudiŋ gəm. De neeteŋ ɗe ajewa pisi damdi kolɓoy bə minti dəyaŋ wəra, kəəsu məna we kəsi, hor-hor kənki, hor-hor soope mo, bədoona ana'iŋ.»

Kaa gaalaŋ yaŋ, teŋ haa damdi ko bə kəjəma bə minti dər kar vaŋ adaŋ ana. Yə iski kel kə Pepeŋ, səma ɗiki də kel gə minti bə ji siri cəərə seŋkaŋaŋ huyuy ablaw, yə bə ji haa tiniini də kusri a kəkəy bə golde hurmaŋaŋ. Gud teŋa ta, kar teŋ huufi kel kə Pepeŋ wəra, de neeteŋ si ajewa pəda gəm.

Kaa gə minti əski kel bə waate cəərə *Kumna kə Pepeŋa, yə doy haa di baŋ, yə haa damdi agəjaŋ də kəkəy bə minti dər kar vaŋ adaŋ ana. Nərtitiŋ bi a humi kel gə minti a vaŋ ku tərməyiŋ wəra.

Sərdə kaa gaalaŋ yaŋ, teŋ haa damdi ko bə minti koŋ adawra guudu pərkiŋ bə minti dər kar vaŋ adaŋ ana. Yə əski kel kə Pepeŋ, yə doy də waale faɗiŋ. Səma yə paapa gə vaa-ve kəsar a kel teŋa ba tə bə moŋ, yə kole ɗiki di anə cəlamma faɗi. Bədoona ana ta, bə minti gəəli tuluŋ ne ciiriŋ, ɗalba yə ɗəlaŋ ne bə ləsəya gud kel kə Pepeŋaŋ, yə yaake kəkəy bə minti yə cuuruŋ hebkən-hebkəna faɗi.

«*Kumna kə Pepeŋ bə ŋarə-ŋere də soloy kəman hayaŋi bə minti a wəra bə kisə-kisi giidə akaŋaŋ ana. Hulum kəman fəlnu, wə həənu, wə ziinu guudu kisiŋ giidə aka taŋa ada toki. Wə kooroŋ haa də waaleŋ ablaw, wə ɗeŋ a gusi kar nuutuŋ wəra neŋneŋ keɗe, wə haraŋ da a gusi aka taŋ.

Surduŋ vaŋ a ko bə cimə-cimiŋa. Kəya wə dəyaŋ warda, wə waŋ degeɓ-geɓi. Kolɓoy bə məna, kəəsu məna waŋ pisi kəsi, hor-hor kənki, hor-hor soope mo, bədoona ana.

Aŋ yəəkəy la bə si də kumsi. Hi bə ceme diŋ nəkaŋ neŋ, ten waate kaa kə cəməy yaŋ minti yə kotə cəərə ciiŋir la wəra a ko bə məna, yə untu la, yə kəw la wəra, yə van kaasaw pəsaŋ la giidə dorgoɗiŋa.›»