Populāri Bībeles panti no Domano Ma̧ȩ 4

Dalīties

'Jabechji̧ Ütërë yo̧ë cji̧däa̧mi̧ yürüdëpa jirodicoada, judi yo̧a̧mi̧ yürüdëpadicoada, ca̧ ja pio ju̧i̧ nö̧rirea̧ yürüdëpadicoada' quëna̧dëa̧de. Jabo jabechji̧, Ütë tjamo̧ pio ju̧i̧iäpȩmo̧ chjacjiamȩri̧ jo̧rȩta̧ oaiä, ji̧dë u̧i̧ chjuari̧ quëna̧pe bagarëremȩde, quëna̧dëpe bagarea̧ decjiari̧. 'Aja̧, Ütë tjamo̧ judi ju chiadida, judi yo̧ë cji̧däa̧mi̧ yürüpadicoada' quëna̧ jo̧rȩtamȩrȩ cjo̧ro̧rëremȩde, chjua tjamo̧ri̧ quëna̧mȩrȩ.

Peaja̧di ta̧rëri̧ go̧ȩpea̧ oa cjiarëremȩde ma̧ȩ üdë, Ütë tjamo̧ judi Abaraa̧ pio ju̧i̧iäpȩmo̧ yo̧rërea̧ ma̧ȩ üdë. Ta̧rëchji̧vä: “Aja̧, pio cüdë tänȩa̧ oa jadama̧i̧ tarumi̧ dari̧ cjiaparenȩ pumȩ no̧i̧dë tjamo̧ ja̧ oa. Ado cja̧rȩmo̧ pumȩ ja̧ oa, ado cja̧rȩmo̧ ma̧ȩ ni̧bäji̧ri̧ ja̧ oa, ado cja̧rȩmo̧ chiriräpȩ cjo̧ro̧ji̧ri̧ ja̧ oa, tarumi̧ dari̧ cjiaparenȩ.” Aja̧, ja̧di ta̧rëri̧ yo̧ë cji̧dämȩrȩ yo̧rëremȩde Ütë tjamo̧ judi Abaraa̧ pio ju̧i̧iäpȩmo̧. Ado Abaraa̧ judi pio jiro ma̧ȩ oa ta̧rërërea̧ ji̧, jabechji̧ quëna̧rëremȩdejȩ. Jënȩ quëna̧rërea̧ Ütë pio ju̧i̧ ja̧ dachoromȩrȩ quëna̧rëremȩdejȩ. Jabechji̧ pio ju̧i̧iäpȩmo̧ chjuari̧ quëna̧rea̧mi̧ dade. Danȩrȩ, ja̧boa̧ji̧ri̧ pio ji̧ri̧ chjaodëri̧ bëdü tänȩmȩ pio judide. Pio judide jibëa̧ ma̧ȩ maeara̧ pareapamȩ judi. Jabechji̧ ichi mö̧na̧mȩrȩ eami̧ oa pareapapai̧ dade, chjaodëri̧ idëpea̧ oa cjiape bagari̧.

Jabechji̧ a̧ro̧rȩ chjai̧dëri̧ japea̧ oaiä Ütë tjamo̧ judi tuti yürürëremȩdejȩ jibëa̧ Ja oa pio ibë chjiari ano̧ mire ja̧bopea̧ oa. Ado Ütë tjamo̧ judi pio ibë jabechji̧parȩrea̧ dapea̧ oa bëdü tänȩrëremȩdejȩ ja̧boa̧remȩ pio ju̧i̧.

Ado pio ju̧i̧iä Abaraa̧ judi quëna̧rea̧mi̧dëräbo, jabechji̧ chjuari̧ quëna̧rëremȩdejȩ Ütë tjamo̧ ju̧i̧, jidatarea̧mi̧dëräbo. “Aja̧, na̧ea̧ri ja̧ji̧ri̧ pio judiro̧ büërë chami̧ dari̧ cjiapadirȩ ütararea̧mi̧dëri̧” yo̧rërea̧ ma̧ȩ pio ju̧i̧ chjuari̧ quëna̧rëremȩde. Ado japamitë chjätä ëte, dëdë, pio judiri ja̧ji̧ri̧ judiro̧ no̧i̧dë tjamo̧pe bagarëreji̧ri̧dirȩ. Ado cja̧rȩmo̧ ma̧ȩ ni̧bäji̧ri̧ judiro̧, ado cja̧rȩmo̧ chiriräpȩ cjo̧ro̧ji̧ri̧ judiro̧ no̧i̧dë tjamo̧pe bagarëreji̧ri̧dirȩ, Abaraa̧ pio judiri ja̧ maearë.

Pio ju̧i̧iä yo̧requededibe ca̧ oti̧. Ütë tjamo̧ ju̧i̧iäpȩmo̧ quëna̧ji̧ri̧ pio judiro̧dirȩ Ütërë yo̧ë cji̧däa̧ pio ju̧i̧ mitërea̧ dapaji̧ri̧ judiro̧. Pio ji̧ri̧iäpȩmo̧ cjäri̧ri̧ cjiamȩrȩ jabechji̧parȩpadejȩrȩ, pio judirimȩ maearë, judiro̧ chjadëri̧ japadëa̧ ba oa. Ado pio ju̧i̧iä Ütërë yo̧ë cji̧däa̧ üdë, jabechji̧ Abaraa̧ pio judiri ja̧ pumȩ ütëbo ja̧de. Pio ji̧ri̧iäpȩmo̧ tjamo̧ri̧ yürüpadejȩrȩ yürüdëpe bagarea̧ decjiari̧. Tjamo̧ davä. Moicherë go̧ȩparërea̧ ma̧ȩrä quëna̧ji̧ri̧ judio pio ji̧ri̧iäpȩmo̧, ado Abaraa̧ pio ju̧i̧ cho̧rë quëna̧ji̧ri̧ judiodë pio ji̧ri̧iäpȩmo̧bo yürüpadejȩrȩ. Jabechji̧ a̧ro̧rȩ quëna̧ji̧ri̧ pio judiro̧ ütëborë jadama̧i̧ taru oparea̧ro̧jo̧ȩ Abaraa̧ ju̧i̧.

"Aja̧, a̧dë chjäte ma̧ chiadëri̧ cjiadirȩ pumȩ judiro̧ jënȩro̧ chjai̧dëri̧ japea̧ üdë duridëparȩa̧ oa cjiarä, Ütë tjamo̧ judi jënȩro̧ chjai̧dëri̧ japea̧ pio ju̧i̧ jo̧rȩtadëpe baga̧rä. Jabechji̧ go̧ȩparea̧ decjiami̧ daräpȩdirȩ. Ba earea̧ decjiami̧ daräpȩdirȩ. Ado pio ju̧i̧iä a̧dë chjäte ma̧ chiadëri̧ cjiadirȩ Ano̧mȩ pio ju̧i̧iä." Aja̧, ja̧di ta̧rëri̧ go̧ȩparëremȩde Davirea̧ judi.

Jabechji̧ ta̧rëchji̧vä ma̧ȩ oa Abaraa̧ pio ju̧i̧ chjiari ma̧ȩ oa, yabo yürüa̧ pënȩrä cjiamȩ ma̧ȩ oa. Ja̧di ta̧rëri̧ yo̧diibe: "Aja̧, Ütë tjamo̧ judi yo̧rërea̧ ma̧ȩ pio ju̧i̧ quëna̧dejȩ Abaraa̧ judi. Ado jënȩ quëna̧ pio ju̧i̧iä jabechji̧parȩrëremȩdejȩ Ütë tjamo̧ judi." Aja̧, ja̧di ta̧rëri̧ go̧ȩpea̧ oa cjiarëremȩde ma̧ȩ üdë.