Populāri Bībeles panti no ROMA 3

Dalīties

Tungwatu nya yahagom ibon sisar tu ba, yahagom ingat rin ei minu ting leu Allah di joi sut gima teu yok leu sisar biyai niyaijo nijep biyok. Noro Allah ba ningon di singat tut tungwatu nya mikuisi biyai ingon di kwes kin Noni hanyen tug hon Kristus Yesus di kwek yok leu sisar.

Allah bindei tungwatu nya ingon kwes kin Noni drek dip ide niba ningon com Yesus Kristusti. Allah yai nok gima mem yo di ingon jo kep Kristus yahagom lewo mben Yahudi kin ngkiai nya ter leu yam bi.

Allah sindui sut Kristus Yesus ei leu api Yesus mai nok nimbiam bibindei ba, tungwatu igyai gi kos ser ide sisar drek dip ide niba ningon com Noniti. Allah yai nok gima leu binhyepo ndo ningon di sren-srau brei binye. Gi nipou kwei bipek ammani kep ne Allah om ningon tut tungwatu nya ide sisar bikes hukum ei yok dip bi. Noro tini bu ne Noni yai nibou tut ide sisar leu binhyepo ndo bindo tut ningon sren-srausi. Tug hon nisinati dima ne Allah ndo brei bipia ningon sren-srau bibindei ba, bikwop no di ba ningon com Yesus ningon kwes kin Allah hanyen.

Lewo bit bon tungwa hi yai ningon kwes kin Allahti drek dip nibon munti di bit leu nok Puig Yahudi nicuk noti kan bi. Noro nicukti dima ndo brei bak tungwatu nya bipia yahagom ibon sisar.

Bit leu nok gi ipas ei Allah Nihyetti, “No di ningon sren ei Allah niyai him no rinaha bi sren ba, hi di ningon dorti tut mun di srenti bikuk no bak Allah cem no rinaha bi sren. Tungwatu nya yahagom ikiek yoho ter leu Allah ba, yahagom israwir tu. No di yai mun di igbit no rinaha bisrig ikieti bi sren. Hi bi sren!

Gima rino nirop ninda ndigsi pai bipia tungwatu nya igyai ingon kwes kin Allahti drek dip ide niba ningon com Yesus Kristusti lene drek dip gi ibit leu nok Puig Yahudi nicuk yokti nya bi.

E bi! Mbro nok gino tungwatu yahagom ibicum kikep lo, ma jiyok ngon kep bipia Allah Nihyet tibim tut mun di nijit-jau hak. Lewo Allah Nihyet pai, “Ahyet ndo bindo brei bak tungwatu yahagom bipia angon sren-srau yo. Gino aya ei nikei noho bei ne abindei cut yo di ipai kep Nani yo.”