Populāri Bībeles panti no ROMA 12

Dalīties

Ma jiyai bram mun di bon ninyeng mem tungwatu dihyeisi dini kin igyai kepti nya au. Noro ma jisindui sut ba, Allah bibon jenti njem nok nijep bu. Tug hon nisinati dima mijikan tut Allah ningon kanti di kei bibor di biyai Allah ningon llei bibor bikwes-kwau mem jenti.

He disut bat jen, Allah singat tut nye nindig bibor. Gima rino dibidip huk je leu binhyepo jikes jenti njem ei mem Allah noyam kin mun di imam nya ikes ei nimbar hum dokti. Ma jidimig jenti njem ei mem Nide midyai nya leu api Noni mijoi sut je. Suar jiba nisinati dima bikuk je biNoni mungkun kei.

Ma jiba jingon di llei bibor biyok jingon mem Tuhan lene ma jingon nddong tut mun di cut igkep je bijita jibou ei naditi cem.

Ma jisindui sut mun di kinei bibor bindei cut jeni au. Noro ma jiba niyai munti di kei bibor bicut mun di kinei bibor.

Ma jiba jingon di gom bingon ngakei yam bit leu nok yo di ikinjoi bat yam ei Kristusti. Ma jiba jibou coi mem yam bijinggei sut yam cem.

Ma jiba jingon di gom bingon ngakei tungwatu nya. Ma jingon mpo tut mun di kinei leu ba, jikrau kep mun di kei.

Tut jenti njem ne ma jita jibou ei ningon kwes kin tungwatu nya yahagomti.

Disut bat jen, ma jingon nggrom kep yam au. Noro ma jibet jingon mem Allah di kes hukum ei tungwatu nya dip drek dip ide sisar nya. Lewo Allah Nihyet pai “Tuhan pai bipia Noni birop biyok tug hon hukum di kes ei yok dip.”

Gino jiyai midyai lene ma jibong biei nda dip kep ig au noro ma jijoi bibor. Ma jiba jingon di gom tut Allah Ninnei biyai kep midyai nya mem Tuhan.

Allah singat tut da. Gima rino disok kep jahagom bipia ma jiba jingon di jei bisrip huk tut jenti au. Noro ma jibisrip huk tut jenti mmuti. Ma bikwop tungwagom-gom ba nisindemti di Allah yai binoni bisrip huk tut nonti drek dip nide niba ningon com Yesusti.

Gino hi mbuk tut je lene ma jiba jimbuk birop hanyen bak au. Ma jita jibou ei jiyai munti nya di bindei di tungwatu nya iba ingon bisrip huk bipia jiyai munti dima kei bibor.

Ma jahagom jingon kwes kin yam lene ma jingon jei au. Noro ma joom jenti sur yam kin yo di igyai inyeng bi nya. Ma jiba jingon bisrip huk tut jenti bipia jingon ki dor njiriek mun di dem mem jeni au.

Noro gino jide nitok nggum lene ma jikwas njita tut noni. Gino noni nggobiau lene ma jittin kau tut ndia ngei bak bidut. Tug hon jiyaisi dima lene jibindei ba, noni mmai sut nonti.

Ma jingat nadi tindei yo di ihwen bit je leu binhyepo Allah yai gi kei biyok. Jit, ma jingat nadi leu binhyepo Noni yai gi kei biyok lo, sigion yok au. Ma jiyai nillei bit yo di ingon llei nya ba, jingon ngguk bit yo di ingon ngguk nya.

Ma jikwas jide mun di jima nya tut jisut bat yo di Kresten di yuhui mbum nya ba, jicigit tungwatu nya kui ig cem.

Nye di tungwatu ingut bon nimbumbati mang bibor ba, hagom bicim tindei yam nok ningut gom ngat. Bikwop nimbumbati hi gom hi gom yai midyai di ter leu yam. Nok gima tut nye di mbusyamei nya cem. Mbro nok gino imang bibor lo, ibicom yam nok gom kin Kristus ba, yahagom ibicim tindei yam nok gom lo, ibon nimbumbati di ter leu yam.