Populāri Bībeles panti no Luku 4

Dalīties

“Yina wo ka Masaala woŋ kɔŋ iŋ yaŋ, baa wundɛ yɛthi yama ba sisa huseri huyɔhɔy haŋ ka bamɔnɛŋ beŋ. Wundɛ ŋindi yama ka bilɔŋɔy beŋ ba ka koyiŋa huseri hu ka kuyankaŋ haŋ, iŋ ba bi mankɔy thaaya beŋ ba kuta, ba pɛyɛna kuyankaŋ bi niya thɔrɔ beŋ, iŋ ba bindɛ tepe ba dɔma na malɔkɔ maŋ tɛŋ ma Mariki woŋ kutiye biya nama beŋ.”

Yisɔs tepe, na “Magbali ma ka Masaala maŋ tepe, na ‘Yi kɔŋ ba niya kubatho Mariki woŋ Masaala wokɛnda woŋ; wundɛ wuntheŋ nape, ndɛ na yi ba niyiyɛ wali.’”

Kɛrɛ Yisɔs tepe niŋ, na “Magbali ma ka Masaala maŋ tepe, na ‘Muthɔma nagbɛti kutɛ ni ba wɔmɛti niyɔ iŋ sii.’”

Naa see Yisɔs pɛyɛŋ mandi ma ka Yɔdaŋ, wo bɔhɔy nda iŋ Yina wo ka Masaala woŋ, Yina woŋ katitande niŋ ka wula ka.

Kɛrɛ Yisɔs tepe, na “Magbali maŋ tepe, na ‘Yi ka ba gbɛriŋina Mariki woŋ Masaala wokɛnda woŋ.’”

Naa thanki Wayi Womandiŋ woŋ gbɛriŋinuwa Yisɔs na gboŋa yo gboŋa, wundɛ pɛyɛŋ hintiŋ niŋ haaŋ ba malɔkɔ manɔndi.

Wayi Womandiŋ woŋ sekithe niŋ e niŋ ka dunkuta ka thinthi, e niŋ toŋine fooma thagbakine tha ka faido ka malɔkɔ mathurɔy, e tɛpa kɛnama, na “Yaŋ kɔŋ yina dunkune fooma sɛmbɛŋ baŋ baŋ, iŋ nanhulu baŋ baŋ; baa yaŋ thanki nde nda muŋ dunkuno, awa yaŋ punkeŋ muŋ dunkune wɔ o wɔ wo thimo yaŋ ba muŋ dunkune. Muŋ muŋ fooma yi kɔŋ muŋ biyɔ, mɛnɛ yi ni yama kubatho.” Yisɔs tepe, na “Magbali ma ka Masaala maŋ tepe, na ‘Yi kɔŋ ba niya kubatho Mariki woŋ Masaala wokɛnda woŋ; wundɛ wuntheŋ nape, ndɛ na yi ba niyiyɛ wali.’”

Wayi Womandiŋ woŋ sekithe hɛlɛŋ niŋ, e niŋ kata ka Yɛrusalɛmi, e niŋ ka tuta ka banka bamandiŋ ba ka Masaala baŋ ka thinthi, e tepe niŋ ba dɔma, na “Mɛnɛ yina Hati ka Masaala woŋ, yɛlɔkɔ hɛ ka pothi ŋaye dondo, baa magbali maŋ tepe ba dɔma, na ‘Masaala kɔŋ ni yamari malekɛŋ nama beŋ ba yina dethiteke.’ Mɛŋ tepe hɛlɛŋ ba dɔma, na ‘Bindɛ kɔŋ yina thaye, haliko kuthaki nda koŋ ku be tha hintiŋ thuŋɔ raka hunthe.’” Kɛrɛ Yisɔs tepe, na “Magbali maŋ tepe, na ‘Yi ka ba gbɛriŋina Mariki woŋ Masaala wokɛnda woŋ.’”