Populāri Bībeles panti no Roma 15

Dalīties

“Yabunggane pano asigin,” yiluk ninakla arlenggen kiligogi eti, erlo at Allah nenat kagat ninabigogo. Kit esigit diluk kinakla arlenggen nggokogo kasi dogowagaluk Allah Agurengge obatne paga kagat kinabuwak. Esigit diluk kagat kinabuwak nen, kinendainggen at oba panggot disigip eti paga panggot diluk werekma, at nen kinakla arlenggen mondok kasi dogowagaluk kagat kinakik, kinendainggen kambagut dinagagik, kagasuwak o.

Allah wene kolal mbalek eti paga, ninakla mbuk agidek anggorlem welagik, ninakla pano agik, kagarigogi eti paga, “Pano asigin,” yiluk Allah oba eberek dogowagaluk, nirat ninasuk warogo Allah wene paga pagane kolal mbalogo ʼbisuka o.

Kit kinendainggen, kinane, omanggiat dogolik, ninewe Endaganggok Yesus Kristus ombae Allah etiat pogorako dogobagik nen, at Allah nen akoni inakla mbuk agidek anggorlem dogowagaluk kagarinakik, inakla panorinakik, kagarigogo mende eti nenat, kit taʼbokogonat kinendainggen omanggiat, at Kristus Yesus obabut kak kagat kinabuwak o.

Akoni nen at Allah pogorako dogowagaluk, at Kristus nen kit kinebe wokinakike kak, kit amberek nen it amberek woginakik, it amberek nen kit amberek wokinakik, kit-kit wok-wok kagako dogono o.

Allah wene paga wene men yiluk kolal mbalogo ʼbisuka, “Kat Allah mbekega mende, an noba kagat laga o,” yiluk kolal mbalogo ʼbisuka eti kagat, at Kristus nen enggaerek ake akla arlenggen kasi dogigiluk kagako lagike dek. Eti paga, nit ninebe dombok nen, ninagarlagi ninirugi inom inendainggen Allah oba panggot diluk inendainggen korle atluk pano asuwagaluk, inakla panorogo kagako doguwok o.