Populāri Bībeles panti no Roma 12

Dalīties

Akoni yoma kagarigogi mende eti inobabut waganggup o. Kinobabut ngget ninat kagat lasuwagaluk, at Allah nenat kinakla ngget mende kagat kinako dogowak o. Esigit diluk kagat kinako dogumo, at akla nen, “Yigit diluk kagasuwak, ndigit diluk kagasuwak,” yiluk ambiligogo eti ebe kinilu asigin o. Pano mende ebe etiat o. At Allah akla warlok mende kagakik, inendainggen korle agik, kagarigogo ebe eti nenat o.

Nagarlagi nirugi o. At Allah ninebe ninaʼbuwa yiluk wene omanggi kinakla nggagalik. Allah anggo wako laguka kak, kinebe kiniluk dogolik, at enggaerek ake ʼbiyalok, at akla warlok mende etiat wogoko dogono o. At apma dogolik, at ake kagasusak mende esigit dilugat kagako dogono o.

Kit nen, “Yabunggane at Allah nen pano kagasigin werek o,” yiluk, kinakla arlenggen kalok, yi aik ndi aik kasi dogolik, kinobakanini kambuk yiluk sembayan togot digidek yisi mondok dogono o.

Weyak kagarigogi mende eti obatne atluk kit kai dinagunogo yiluk, kit pano kagako dogolik, kinobatne atluk nen, weyak kagarigogi mende eti kai diyasi dogono o.

Kinagarlagi kinirugi Allah aʼburi mende eti kinebe ap omanggiat nen endago mende negen, kinendainggen kunik inaʼbuwarogo dogolik, kit-kit kinagarlagi kinirugi kinom kinalon pal-pal dogono o.

Kit kinendainggen oba nenat akoni amberek inaʼbuwarogo dogono o. Weyak mende kinaʼit mondok dogolik, pano mende kinobatnerogo pago dogono o.

Akoni taʼbokogonat kinom pano dambukogo doguwogoluk, kit kinobabut pano kagasusak mende mot-morat kagako dogono o.

Nagarlagi nirugi o. Kinebe kinaʼbuwa o. Akoni nen kit weyagat kinako kalok, kinenggaerek nen onggo ʼbugup o. At te, Allah akla agaga dagaluk, at nen kagasuwak nen, at inggi paga ʼbisi dogono. Wene esigit diluk kagako dogusak, yiluk kolal yigit diluk mbalek werek, “Wene an nen moret digik, onggo an nen inakik, kagasigin o, yiluk ninombae Endaganggok nen yiligogo,” yiluk kolal mbalogo ʼbisuka.

Allah Agurengge nen kinakla nggagalko nggorlek, ninewe Endaganggok ake kinaʼit agidek, kinobatnerogonat kagako dogono o.

At Allah obabut pano nen, yigit diluk kagako dogowagaluk nayonggo ʼbisike eti paga, wene omanggi yi kinebe dombok kinasuk wasik. Kit, it amberek inapma dogusak nggorlek, kinakla nen, An nebe nggok, yiluk kinendainggen siyat dakausak dek. At te, Allah nen kinebe dombok kinendainggen at oba panggot disi dogowagaluk kinobabut dombok wokisasike ndak-ndagat, kinendainggen sebekogo dogolik kinaren mbalasi dogono o.

It akoni amberek nen weyak kagat kinakonem, kit nen onggo dagakogo weyak kagarinako dogogup o. Akoni taʼbokogonat inilenggen kiyalok nen, “It pano kagarigogi o,” yiluk kinabok pano yisi dogowagaluk, kinakla ambalok nen panorogo kagako dogono o.

Akoni amberek kinelokoma ʼbiyigik, amberek kinomborlikngge ʼbiyigik, kagakidek, inaʼbuwarogo imbisak ndak-ndak arlek kagarinako dogono o. Ap nggokndek inobabut kagarigogi mende eti, kagakidek, inapma dogolik kagarigogi mende etiat kagako dogono o. Kinakla nen, “An wene mondok nilu o,” yiluk kinenggaerek nen pogorakagup o.

Eti paga, kit nen, men kagasusak. “Akoni kinom weyak mende eti kimbiri abu werek kalok, melagisigik, i abu werek kalok, wogisigik, kagako dogono o. Esigit diluk kagasugun eti paga, kindu enggen inunggulowak oba ʼbisinem kenet wasu kak, inenggarli asugun o.”

It akoni amberek nen weyagat kinakonem, Allah nen it panorinabuwagaluk ayonggo ʼbisi dogono. Weyagarinabuwagaluk inalem ʼbiyigidek, panorinabuwagaluk ayonggo ʼbisi dogono o. It akoni amberek inakla arlenggen kasi kalok, kit kinomat kinakla arlenggen kigik, it amberek de ako kalok, kit kinomat de akik, kagako dogono o.

Allah aʼburi mende yi mende ndi mende dek kalok sumburisigik, ap kuso inebe kinonggodek mende wagonem kinaguma panorogo woginakik, kagako dogono o.

Ninebe yi, nininggi, niniyok, ninebe paga kunik mende dogalegat werek o. Esigit diluk werek mende, ninebe paga kunik mende eti, ineyabu dombok kagako dogowagaluk kunogo ʼbinanggike. Eti kak, ninebe dogalegat werek mende, Kristus ninom omanggiat kunogo ʼbinanggikemo werek o. Ninebe omanggiat mende, nininggi niniyok ninebe paga kunik dogoligogo eti kak, ninagarlagi ninirugi ninom esigit diluk werek.