Populāri Bībeles panti no बळयिर 2

Dalīties

इतस्के पत्रु इतोग़, “मीट ओर्वोग़-ओर्वोग़ मन्कल पापमता अग़दाहि जर मल्सि, देवुळ लोहतोग़ किर्स्तु इनवाल येसुराजाना पेदिरते एग़ मीम्ह्‌टु. अस्के देवुळि मीवा पापमतुन मापि कीसि, तना पवित्र जीवाता बर्कत ईयग़ा.

विस्वसिर किर्स्तुनाङ बळयिर काग़्हतनाङ पोल्‍लोन केंजसोरे, ऐंगेन कलियसोरे, किर्स्तुना मोकता सीता कीसि ऐंगेन आरिङ तिनजोरे, पार्तना कीसोरे, इद्रम मंदुर.

वास उदतस्के ओर कतमतोर देवुळता पवित्र जीवाते निंदतोर. अस्के देवुळता जीवा ओरिह्‌क (तमा पुनवव दुस्राङ-दुस्राङ देसेह्‌कनाङ पोल्‍लोने वळ्ह्‌कनद) बुद ईता. बुद ईतस्के ओर सबेटोर दुस्राङ-दुस्राङ देसेह्‌कनाङ पोल्‍लोने वळ्ह्‌क बोटटोर.

अचोटेन, पकाय दूंद वातप लेह्‌का पोग़ोटा बूमताहि नेकनद केंज वाता. ओर उदिस मतद लोन पूरा नेकता. पया किसताङ वेंजेह्‌कना लेह्‌काडाङ ओरिह्‌क दिसताङ. पया बाताल आता, अवु ओर्वोग़-ओर्वोग़ मन्कना पोग़ोन उंद-उंद वास उदताङ. वास उदतस्के ओर कतमतोर देवुळता पवित्र जीवाते निंदतोर. अस्के देवुळता जीवा ओरिह्‌क (तमा पुनवव दुस्राङ-दुस्राङ देसेह्‌कनाङ पोल्‍लोने वळ्ह्‌कनद) बुद ईता. बुद ईतस्के ओर सबेटोर दुस्राङ-दुस्राङ देसेह्‌कनाङ पोल्‍लोने वळ्ह्‌क बोटटोर.

दिनम उंदिय एकाते मंदिरताङ मंडानगा कलियिंदुर. ओसो गिर्दाते, बेसतल बुदते, लोह्‌क-लोह्‌क जमा आसि, ऐंगेन जावा उंडुर, अहे (किर्स्तुना मोकता सीता कीसि) आरिङ तिंदुर. देवुळतुन जोहर कीसोर मंदुर. सबेटोर मन्कलोर विस्वसिरिह्‌क मान ईंदुर. दिनम येसुसामि वेल्‍लाटोर मन्कलोरिन पापमताहि पिसिह कींदोग़. ओर मन्कलोर विस्वसिरा मुडगा कलियिस मंदुर. (इद्रमलेह्‌का विस्वसिरा मुडुन देवुळि बोल्गिह कींदु.)

ओग़ इद्रम रासतोग़: देवुळि इन्ह्‌ता, ‘आक्रिताङ दियाने नना नावा जीवातुन कतमतोरा पोग़ोन उदिह कीकन. अस्के मीवाङ मग़्क-मयास्‍क वने नावा कबुर वेहतनुर. मियग्डोर लेया मन्कलोर नना तोहतनद लेकातुन ऊळनुर. मुय्तो मन्कलोर बार नना ईतव कलाङ कळ्स्कनुर.

येसुन विस्वस कीतोर सबेटोर ऐंगेन कलियिंदुर, ओसो तमा सामनतुन ओर्विना-ओर्वोग़ काळ्ङसोर पिसिंदुर. इतेके तमा जागा-बूमतुन, मालसोमतुन वमिसि, बोन्काय गर्ज अरतेके, अवे कोतान तूसिस ईंदुर.

अस्के बोर सामिना पेदिरतुन पोस केयनुर, ओर सबेटोर पिसनुर.’

दुनियातुन नेयम कीयनद देवुळता बेरा दिया वायग़ाये. अद दिया वायनामुने, पोग़ोटा बूमतगा बामनाह लेह्‌काडाङ कबस्क कीकन. पोळ्‍द ईकळ आयग़ा, नेला नेतुरता लेह्‌का गंजग़ा. ओसो इळ्ता बूमतगा बेराङ सीनाङ तोहतकन. नेतुरि, किस उंडुलता मोयुलि, इविनाङ सीनाङ तोहतकन.