Populāri Bībeles panti no Jọn 19

Dalīties

Kụ ạJizos rọnam miim mọ kụ ạḅem mọ, “Memuneen.” Kụ ọdi azumeri ẹmhu ọdi kụ ạwile uwaloor phọ ọdi ạḍua.

Ịphen phọ reten bọ, bịn ạJizos alegheri ni mọ oomo ạraraar memunughan kụ ạḅem ịlo omuneniom ịpe ạḍinya iigbia phọ ẹḅem bọ mọ, “Ạmuum rụphu ịmi.”

Kụ ạJizos rọmiin bọ onhiin phọ ọdi rꞌạmatuan phọ ọpo ọdi ạphomoghian bọ iboom mọ, dị ọmeregha, kụ ọdi ạḅeni onhiin phọ ọdi mọ, “Nịr phọ, pọrono ọony ạna!” Kụ ạḅeni kẹn mạtuan phọ ọpo phọ mọ, “Pọrono onhiin ạna!” Kụ emiigh kꞌamem mọ ạmuphe, ạmatuan phọ ọpo ạsighe onhiin phọ ạJizos agheelom kꞌọdi.

Bịdi ọteeny bọ Jịzos, ụmiin ni mọ ọdi mamugh kụ ruwol phọ ọdi úbunughi aani. Kụ oniin ọnyo ẹgham mọ dị ạpham ọsoph, ạsighe agim ịkpurugaany ọdi, kụ egina amem bịn ịḅaal rꞌạmuum ekil emite.

Ịphen phọ imite omuneniom ịpe ạḍinya iigbia phọ ẹḅem bọ mọ, “Rꞌoniin ọḅarara ọdi kóbun.” Kụ ẹnon ẹkpigh sịphe ạḍinya iigbia phọ edi ni dị ẹḅem mọ, “Bịdi kopogh ni ọmiin nyọpo bịdi ogim bọ ọsoph phọ.”

Kụ ọsighe oreeny phọ kọkanam bọ nyọdi ọngo mọ ọdi arool ạghimom esi dị oghol ọnhu aHibru mọ ạGolgota ịsien phọ esi ạwara, ạkpaḍi igbaany ạrumhu.

Kụ ạbuo ẹgham mọ olho eghoony iitoor ozu nyọdi, kụ ọsighe oodor ọkpologhi nyọdi