Populāri Bībeles panti no Jọn 15

Dalīties

“Mị kụ oozin avain phọ, kụ nyina kụ ịla phọ. Oye lọ ụrolan ịmi kụ mị ạrolan nyọdi, ọdi kụ kamuum onugu iimuma. Nyina ịmi ị́rolan, nyina kétue eḍighi ịyaar.

Ịrolan ịmi mị kịrolan ni inyina. Ịdipho ọla phọ bịn kátue bọ amuum iimuma, emuton lọ odi aani sịphe aloor avain phọ; ịduon phọ kẹn kụ ịdi nyina kémuum iimuma, emuton lọ nyina ịrolan ịmi.

Nyina ịrolan ni ịmi, ḅịle ọghaaph phọ ạmi ạrol sịphe iloghi phọ anyina, pụruku ịyaar lọ nyina ẹlom, nyina kẹmoogh ghan.

Nyina kụ ịmi ị́saḅar, mị kụ ịsaḅar ri inyina, ạḅile ịma inyina, mọ ịki emuum ọdo iimuma dị kẹkpooghi ni, ọbo Ọde phọ ịngo ghan inyina tọrobo ịyaar lọ nyina eghol ḍien phọ ạmi kụ epuru nyọdi.

Ẹphomoghian ílho ghan dị ẹbugh epu nyẹpe oye dị aghol rịghiri ọdi bịn aphiemi ghuḍum ọdi.

Sịphe aloor phọ ạmi, ọla lọ úmuum iimuma, ọdi kasoph ni atoph, kụ ọla lọ amuum iimuma kaselemi ni, ọbo ạḅile ghan amuum apu pạ.

Ọphon kụ ologh phọ ạmi mọ oniin ạphomoghian nyoniin, ịdipho mị ịphomoghian bọ inyina.

Nyina emuum onugu iimuma, kẹngo ni eghuan Ọde phọ ạmi, kụ nyina ẹtuan ịduon phọ ẹtol dọl phọ ạḍiphe ẹkpe bọ bụmatuan phọ ạmi.

“Mị kụ ọkar oozin avain phọ. Ọde phọ ạmi kụ rạkoy ghan bọ ịla avain phọ kaselemi.

Tọrobo oye lọ ịmi ụ́rolan, kosoph ni nyọdi ịdipho ọla oreeny otoph; kụ rẹgharaghar kụ ookpomoghi ọdo phọ ịla phọ ịphen phọ oguom nịan.

“Mị mạghaaph ịphen phọ ịḅeni inyina, ọbo iboh phọ ạmi ịrolan inyina, ḅịle kẹn iboh phọ anyina emunughan.

Nyina eeko iilogh phọ ạmi, nyina kẹtolom ni ẹphomoghian phọ ạmi, ịdipho mị maako bọ ni iilogh Ọde phọ ạmi kụ odimom bọ ẹphomoghian phọ ọdi.

Mị rịkpaariom ni inyina mọ iḍighi ịphen phọ, pịdi oniin ạphomoghian nyoniin.”

Mọ nyina ạbuo aḅirini phọ, ọbo aḅirini phọ mịphomoghian ni inyina mụdi awe ọdi. Kụ mị mịsaḅar inyina bịn nyina kạ́buo aḅirini phọ mun. Ịduon kụ iḍighi kụ aḅirini phọ ịlogh bọ inyina ḍien phọ.