Populāri Bībeles panti no 4 Кралип 6

Dalīties

И мангдя́пэ Елисе́ё, и ракирдя́: “Раё Дэ́вла! Отчхакир лэ́скэ якха́, соб (кай) ёв тэ дыкхэ́л.” И отчхакирдя́ Рай Дэвэ́л якха́ дынари́скэ, и ёв дыкхця́, и ґа́да, сари́ бэ́рга исын пхэрды́ грэнца и марибнытконэ́ вурдынэнца дрэ яг трусця́л Елисеёстэ.

И пхэндя́ ёв: “На дар, пал-дова́ со одолэ́н, савэ́ исын амэ́нца, буты́р сыр одолэ́н, савэ́ исын лэ́нца.”

Пэ зло́ко (ра́нко) Дэвлэ́скирэ-манушэ́скиро бутярно уштыя́ и выгия́; и ґа́да, халадэ́ сыс трусця́л фо́ро, и граё, и марибны́тка вурдына́. И пхэндя́ лэ́скэ дына́ри лэ́скиро: “Саро́, миро хула́ё, со амэ́нгэ тэ кэра́с?”

Ке́ли гинэ́ кэ ёв Сирияни, Елисе́ё мангдя́пэ Ра́скэ-Дэвлэ́скэ и пхэндя́: “Корьякир лэн.” И Ёв корьякирдя лэн, пир Елисеёскиро лав.

И пхэндя́ Дэвлэ́скиро ману́ш: “Кай ёв пыя́?” Ёв сыкадя́ лэ́скэ штэ́то. И отчхингирдя ёв котэ́р (куско) вэшэ́стыр, и чхурдыя́ одори́к, и выплывиндя (дыя пли́ма упрэ) товэр.

И ке́ли екх лэ́ндыр радя вэш, то лэ́скиро товэр пыя́ дрэ пани́. И задыя го́дла ёв, и пхэндя́: “Ай, миро хула́ё! Товэр лыно́ сыс пэ подрикирибэ́н!”

И пхэндя́ ёв: “Лэ пэ́скэ.” Ёв протырдыя́ пэ́скиро васт и лыя́ лэс.