Populāri Bībeles panti no 1 Mga Taga-Tesalonica 5

Dalīties

Pagmalipayon kamo kanunay. Pag-ampo sa tanang panahon ug pagpasalamat kamo bisag unsay modangat kaninyo. Kini mao ang kabubut-on sa Dios nga buhaton ninyo sa ngalan ni Cristo Jesus.

Hinaot unta nga ang Dios nga naghatag kanatog kalinaw hingpit nga maghimo kaninyong balaan aron walay makitang salawayon sa tibuok ninyong pagkatawo—sa espiritu, kalag ug lawas hangtod sa pag-abot sa atong Ginoong Jesu-Cristo. Matinud-anon ang nagtawag kaninyo ug buhaton gayod niya kini.

Ayaw ninyo panimasli ang nagbuhat ug daotan kaninyo kondili sa kanunay buhata ang maayo alang sa usag-usa ug sa tanang tawo.

Tungod niini pagdinasigay ug pagtinabangay kamo sama sa inyong gihimo karon.

Nag-awhag kami kaninyo, mga igsoon, nga inyong pahimatngonan ang mga tapolan, dasigon ang talawan, tabangan ang maluyahon ug pagmapailubon kamo kanilang tanan.

Ang Dios wala magpili kanato aron kita iyang silotan kondili aron maluwas pinaagi sa atong Ginoong Jesu-Cristo.

Kamong tanan iya sa kahayag ug iya sa adlaw. Dili kita iya sa gabii o iya sa kangitngit.