Populāri Bībeles panti no Ruka 3

Dalīties

E papatito nō ꞌā a Iovani i te nuꞌu, he papatito takoꞌa i a Ietū. E pure nō ꞌana a Ietū ꞌi rā hora, he ha-hata te raŋi, he turu te Vārua Maitai ki ruŋa i a ia tuꞌu pa he pāroma, ꞌe he ŋaroꞌa e tahi reꞌo ꞌi te raŋi e kī era: «A koe he Poki ꞌāꞌaku, Poki haŋa rahi; ꞌi ruŋa i a koe tōꞌoku koa».

ꞌO ira i kī ai e Iovani: —Te parautiꞌa, a au e papatito nei hai vai; ꞌe nā e oho mai ena te kope mo papatito atu hai ⌊Vārua Maitai⌋ ꞌe hai ahi. ꞌAta hau a ia ki a au; ꞌātā e ko tano au mo kume i te hau o tōꞌona kirivaꞌe.

Ka haka tī-tika te kōrua noho iŋa ki takeꞌa riva-riva ai he parautiꞌa mau ꞌā ko ⌊huri ꞌana te kōrua manaꞌu ki te ꞌAtua⌋. ꞌE, e uꞌi ꞌo kī rō ꞌi roto i a kōrua ꞌā pē nei ē: “¡A mātou he hakaara o ⌊ꞌAparahama⌋; ꞌo ira e tano rō ꞌā a mātou ki te mata o te ꞌAtua!”. ꞌĪ a au he kī atu: te ꞌAtua e tano nō mo haka riro i te ŋā māꞌea nei he hakaara o ꞌAparahama.

ꞌE ꞌī a au he kī takoꞌa atu: ꞌai te ꞌōhio ko rito ꞌā mo paꞌo i te tumu mai tōꞌona aka. Te tumu taꞌatoꞌa taꞌe hua o te meꞌe riva-riva he paꞌo ꞌe he hoa ki roto i te ahi.

Te meꞌe taꞌatoꞌa topa nei pa he meꞌe pāpaꞌi era ꞌā e te perofeta era ko ꞌItaia: «E tahi reꞌo e ohu ꞌā ꞌi te kona ꞌone taꞌe noho taŋata: “Ka haka riva-riva te ara o te ⌊Kiritō⌋; ka mātaki e tahi ara tī-tika. Ka tanu te vaha taꞌatoꞌa o te kona maꞌuŋa, ꞌe te kona ruŋa nui ka tono ka haka pararaha. Te ara pōteko-teko ka haka tī-tika, ꞌe te ara pū-pū ka tanu ka haka riva-riva. Pē ira ka takeꞌa ena te taŋata taꞌatoꞌa o te ao i te ora uŋa mai e te ꞌAtua”».