Populāri Bībeles panti no Noo Mian 23

Dalīties

Agh eshyn syrjey ta nyn mast’ eu, bee eh nyn shirveishagh.

Son quoi‐erbee ta dy mooaralagh soiaghey seose eh hene, bee eh er ny injillaghey, agh eshyn ta dy injillaghey eh hene, bee eh er ny hoiaghey seose.

Smerg diu scrudeyryn as Phariseeyn, chrauee‐oalsey; son ta shiu geeck jaghee jeh mynthey, anise as cummin, agh cha vel shiu er chooilleeney currymyn s’ymmyrchee yn leigh, cairys, myghin as firrinys: ad shoh lhisagh shiu v’er n’yannoo, fegooish y chooid elley y aagail gyn jannoo.

Smerg diu scrudeyryn as Phariseeyn, chrauee‐oalsey: son ta shiu glenney yn cappan as y claare er cheu‐mooie, agh cheu‐sthie t’ad lane dy hranlaase as dy neu‐heeltys.

O Yerusalem, Yerusalem, uss ta cur dy baase ny phadeyryn, as claghey adsyn t’er nyn goyrt er chaghteraght hood, cre cha mennick as va mish aggindagh v’er haglym dty chloan cooidjagh, myr ta kiark goaill stiagh e heïn, fo my skianyn, as cha jinnagh shiu!

Shen myr ta shiuish neesht er cheu‐mooie cairagh ayns shilley deiney, agh cheu‐sthie ta shiu lane dy chraueeaght‐oalsey as dy vee‐chairys.