Populāri Bībeles panti no मलाकी 3

Dalīties

मेरो मन्‍दिरमा अन्‍न भरिभराउ हुने गरी तिमीहरू आफ्‍नो पूरा दशौं हिस्‍सा ल्‍याओ र मलाई जाँचेर हेर र तिमीहरूले देख्‍नेछौ कि कसरी म स्‍वर्गका झ्‍यालहरू खोलेर तिमीहरूलाई प्रशस्‍त गरी सबै प्रकारका असल कुराहरू खन्‍याइदिनेछु।

म तिमीहरूका अन्‍नबालीमा किरा लाग्‍न दिनेछैनँ र तिम्रा दाखबारीमा अङ्‌गुर भरिभराउ हुनेछ। तब सबै जातिका मानिसहरूले तिमीहरूलाई सुखी भन्‍नेछन् किनभने तिमीहरूका देश बसोबास गर्न असल हुनेछ।”

“तिनीहरू मेरा आफ्‍नै प्रजा हुनेछन्,” सर्वशक्तिमान् परमप्रभु भन्‍नुहुन्‍छ, “जुन दिन म तिनीहरूलाई मेरो आफ्‍नै जनझैँ बनाउने काम गर्नेछु, त्‍यही दिन तिनीहरू मेरा जन हुनेछन्। बुबाले आफ्‍नो सेवा गर्ने छोरालाई जसरी दया गर्छ, त्‍यसरी नै म तिनीहरूलाई दया गर्नेछु। फेरि एकपल्‍ट मेरा मानिसहरूले धर्मी र अधर्मी, मेरो सेवा गर्ने र नगर्नेहरूका बीचको भेद बुझ्‍नेछन्।”

सर्वशक्तिमान् परमप्रभु भन्‍नुहुन्‍छ, “मेरो बाटो तयार पार्न म आउनुअघि म आफ्‍नो दूत पठाउनेछु। तब तिमीहरूले खोजेका प्रभु अचानक आफ्‍नो मन्‍दिरमा आउनेछन्। तिमीहरूले पर्खेका दूत आउनेछन् र मेरो करार घोषणा गर्नेछन्।”