Populāri Bībeles panti no लूका 6

Dalīties

अरूलाई देओ अनि परमेश्‍वरले पनि तिमीहरूलाई दिनुहुनेछ। उहाँले त खाँदीखाँदी झुसी पारेर दिनुहुनेछ। जुन नापले तिमीहरू अरूहरूलाई दिन्‍छौ, त्‍यही नापले तिमीहरूले पनि पाउनेछौ।”

असल मानिसले आफ्‍नो मनमा भएको असल कुराको ढुकुटीबाट असल कुरा नै निकाल्‍छ। खराब मानिसले आफ्‍नो मनमा भएको खराब कुराको ढुकुटीबाट खराब कुरा नै निकाल्‍छ किनभने जे मनमा छ, त्‍यही कुरा मानिसले बोल्‍दछ।

त्‍यसो होइन, शत्रुहरूलाई माया गर, सबैको भलाइ गर र ऋण माग्‍नेहरूलाई फिर्ता लिने आशै नराखी ऋण देओ। त्‍यसो गर्‍यौ भने तिमीहरूले ठूलो इनाम पाउनेछौ र तिमीहरू महान् परमेश्‍वरका सन्‍तान कहलिनेछौ। परमेश्‍वरले त बैगुनी र दुष्‍टलाई पनि दया गर्नुहुन्‍छ।

परमेश्‍वर पिता जस्‍तो दयालु हुनुहुन्‍छ, तिमीहरू पनि त्‍यस्‍तै दयालु होओ।

“अरूलाई दोष नलगाओ अनि परमेश्‍वरले पनि तिमीहरूलाई दोष लगाउनुहुनेछैन। अरूको गल्‍ती खोज्‍ने नगर अनि परमेश्‍वरले पनि तिमीहरूको गल्‍ती खोज्‍नुहुनेछैन। अरूलाई माफ देओ अनि परमेश्‍वरले पनि तिमीहरूलाई माफ दिनुहुनेछ।

“तर मेरा शिक्षा सुन्‍ने तिमीहरूलाई म भन्‍छु, शत्रुहरूलाई प्रेम गर अनि आफूलाई हेला गर्नेलाई भलाइ गर। तिमीहरूलाई सराप्‍नेहरूलाई आशीर्वाद देओ। तिमीहरूलाई कसैले नराम्रो गर्छ भने उसको भलाइको लागि प्रार्थना गर।

अरूले तिमीहरूलाई जे गरिदिएको चाहन्‍छौ, त्‍यही नै तिमीहरूले पनि अरूहरूलाई गर।

कसैले तिमीलाई एउटा गालामा हिर्काउँछ भने अर्को गाला पनि थापिदेओ। तिम्रो कोट लान खोज्‍नेलाई कमिज पनि लान देओ। माग्‍नेहरूलाई देओ, लानेहरूसँग फिर्ता नमाग।

“असल रूखमा खराब फल फल्‍दैन नता खराब रूखमा असल फल फल्‍न सक्‍छ।

कुनै पनि रूख त्‍यसको फलबाट चिनिन्‍छ। काँडाका झ्‍याङबाट नेभारा टिपिंदैन नता अङ्‌गुर नै बटुलिन्‍छ।