Populāri Bībeles panti no उत्‍पत्ति 27

Dalīties

परमेश्‍वरले आकाशबाट शीत दिऊन् र तेरो खेतबारी मलिलो बनाइदेऊन्। उहाँले तँलाई प्रशस्‍त अन्‍न र दाखमद्य देऊन्, जाति-जातिका मानिसहरू तेरा दास होऊन् र तिनीहरूले तँलाई दण्‍डवत् गरून्। तैँले आफ्‍ना सारा कुटुम्‍बमाथि राज्य गरेस् र तेरी आमाका सन्‍तानले तेरा सामु दण्‍डवत् गरून्। तँलाई सराप दिनेहरूले सराप पाऊन् र तँलाई आशिष् दिनेहरूले आशिष् पाऊन्।”

एसावले भने, “त्‍यसले मलाई ठगेको यो दोस्रोपल्‍ट हो। त्‍यसको नाम याकूब राखेकोमा केही आश्‍चर्यको कुरा छैन। मेरो जेठो छोराको अधिकार त्‍यसले लग्‍यो र अहिले मेरो आशिष् पनि लग्‍यो। के मेरो लागि एउटै आशिष् पनि बाँकी राखिदिनुभएन?”

तब इसहाकले उसलाई भने, “तेरो लागि आकाशको शीत छैन, मलिलो भूमि छैन। तँ आफ्‍ना तरवारको बलले जिउनेछस् तर भाइको दास हुनेछस्। तैँले विद्रोह गरेर त्‍यसको अधिकारबाट छुट्‍नेछस्।”

एसावले बुबालाई बिन्‍ती गरिरहे, “तपाईंसँग एउटा आशिष् त छ होला, बुबा? मलाई पनि आशीर्वाद दिनुहोस् न बुबा!” तिनी रुन थाले।