२ थेसलोनिकी 3
3
गेजूँनी पोंखारिद्यासिच्यो
1अ गेनैं गेमेंर, फरी ब गेपाँ तोबो लिज़्या, गेजूँनी पोंखारिद्यासिच्यो। जेयुँ हुप्द जेयुँल जेरैव मिताव, प्रभुए ओपाँ प़ाइँदा चाँदो ज़ घरा·सिक, उमिन ब प़ाइँदा ओघ्योःनाक। 2परमेस्वरकिन तँदाङावर स़ोनो ओपाँ सोज़्यावराए ल्योनी पाथस पुलुसो गेदैक। परमेस्वरए ओपाँत यायुँ माहुबोर कुधु ज़ लिज़्यार। 3हितावत ब प्रभु युँ हुबो ज़ लिज़्या। है जैद जेलाई मनी प़ाइँत ज़ थ॰रिउ जैद माचाव भरिरानी जोगोइद पाथस नैचिरिज़्याव। 4‘है गेदाचिज़्याव भरी माऱास्द दाव ज़ जेनैज़्याखेहो’ लिद जेजूँनी गेप्रभुए ल्योदा गेयुँर हुबो ज़ लिज़्या। 5परमेस्वरए जेयुँ ओल्योदा झन ज़ जैद ओयाचिउक, स़ोनो ख्रीस उथ॰रिउ मिताव जेलाई ब थ॰रिउर ओजैचिउक।
चाव य़ेनत जेर्सा तासैःच्यो
6अ गेनैं गेमेंर, जेलाई गेप्रभु येसु ख्रीसए उमिननी गेअर्थैचिज़्या, आव गेपैचिज़्याव पाँर मातीज़्याव अल्सी जेनैंरानी जोगोइसिद अछतङ लिच्यो। 7बुरू गे जेल्योङ गेलिकाव गेदोव मिताव य़ेन जे ब दोचिके। जे ज़ जेसैंज़्या, गे जेस गेलिज़्याक य़ेन दान्या अल्सैं गेमादोए। 8सुए ल्योनी ब अइज़ गेमाज़्युए। बुरू सुलाई ज़ प़ेरैव तापरिक लिद बनै दुखस लाकनी रील य़ेन दाद गेजिउ गेङाके। 9गेलाई चाहिज़्याव भरी जेल्योनी दैन्या हक ओमाल्योए ते माःक। खाली गे स्यासो घदोरक लिद गेदोव य़ेन भरी जेङ़ाक सतैंद गेयाचिके। 10जेस गेलिज़्याक ब, ‘जोए य़ेन मादोव, होए ज़्यान्या ब ताज़्युवक,’ है दाव ज़ गेनैचिज़्याव। 11हितावत ब जेनी ख्वा ख्वाराए य़ेनत यामी सैःद अइज़ च़ुसिद यानैंरालाई यारातोबोलैज़्यार दी लिन्या गेथैज़्या। 12निताव मिँरालाई गेप्रभु येसु ख्रीसनी गेराअर्थैज़्या, याय़ेन सुरू सुरू दाद याभूँदी याज़ ओङारक। 13जे भन्या गेनैं गेमेंर, चाव य़ेन दान्यात जेर्सा तासैःच्यो। 14सुवाराए आव गेपरींज़्याव चिथीलाव पाँर यामाभैंःकिन जे नो मिँलाई सरेस्द ओय़ेनए ओल ज़ लाज मोर्नो घताक लिद ओलस खदेप तालिच्यो। 15खाली नोलाई सुतुर स्यासो जैन्या ते माःक, बुरू क्याँए भाइ स्यासो जैद नोलाई सिङारो ताके।
तुपैन्या पाँर
16अब प़ाइँ युँ होलाँ जैज़्याव गेप्रभुए जेलाई प़ाइँनी प़ाइँनी एकम्न्या जेयुँ होलाँ जैद ओयाचिउक। स़ोनो परमेस्वरए जेस ज़ बास ओदोवक।
17ङा पावलए ङाचिथी भरित ङासही छाप ङाझाःज़्याव मिताव आव चिथीत ब ङासही छाप झाःद ङानै। ननी ज़ ‘ओल ज़ उपरींव ओल्यो’ लिन्या सैंन्या जेले।
18जेल्योदा गेप्रभु येसु ख्रीसए उयुँ ओगराँक।
Šiuo metu pasirinkta:
२ थेसलोनिकी 3: NKham
Paryškinti
Kopijuoti
Palyginti
Dalintis
Norite, kad paryškinimai būtų įrašyti visuose jūsų įrenginiuose? Prisijunkite arba registruokitės
© 2015, Wycliffe Bible Translators, Inc. All rights reserved.
२ थेसलोनिकी 3
3
गेजूँनी पोंखारिद्यासिच्यो
1अ गेनैं गेमेंर, फरी ब गेपाँ तोबो लिज़्या, गेजूँनी पोंखारिद्यासिच्यो। जेयुँ हुप्द जेयुँल जेरैव मिताव, प्रभुए ओपाँ प़ाइँदा चाँदो ज़ घरा·सिक, उमिन ब प़ाइँदा ओघ्योःनाक। 2परमेस्वरकिन तँदाङावर स़ोनो ओपाँ सोज़्यावराए ल्योनी पाथस पुलुसो गेदैक। परमेस्वरए ओपाँत यायुँ माहुबोर कुधु ज़ लिज़्यार। 3हितावत ब प्रभु युँ हुबो ज़ लिज़्या। है जैद जेलाई मनी प़ाइँत ज़ थ॰रिउ जैद माचाव भरिरानी जोगोइद पाथस नैचिरिज़्याव। 4‘है गेदाचिज़्याव भरी माऱास्द दाव ज़ जेनैज़्याखेहो’ लिद जेजूँनी गेप्रभुए ल्योदा गेयुँर हुबो ज़ लिज़्या। 5परमेस्वरए जेयुँ ओल्योदा झन ज़ जैद ओयाचिउक, स़ोनो ख्रीस उथ॰रिउ मिताव जेलाई ब थ॰रिउर ओजैचिउक।
चाव य़ेनत जेर्सा तासैःच्यो
6अ गेनैं गेमेंर, जेलाई गेप्रभु येसु ख्रीसए उमिननी गेअर्थैचिज़्या, आव गेपैचिज़्याव पाँर मातीज़्याव अल्सी जेनैंरानी जोगोइसिद अछतङ लिच्यो। 7बुरू गे जेल्योङ गेलिकाव गेदोव मिताव य़ेन जे ब दोचिके। जे ज़ जेसैंज़्या, गे जेस गेलिज़्याक य़ेन दान्या अल्सैं गेमादोए। 8सुए ल्योनी ब अइज़ गेमाज़्युए। बुरू सुलाई ज़ प़ेरैव तापरिक लिद बनै दुखस लाकनी रील य़ेन दाद गेजिउ गेङाके। 9गेलाई चाहिज़्याव भरी जेल्योनी दैन्या हक ओमाल्योए ते माःक। खाली गे स्यासो घदोरक लिद गेदोव य़ेन भरी जेङ़ाक सतैंद गेयाचिके। 10जेस गेलिज़्याक ब, ‘जोए य़ेन मादोव, होए ज़्यान्या ब ताज़्युवक,’ है दाव ज़ गेनैचिज़्याव। 11हितावत ब जेनी ख्वा ख्वाराए य़ेनत यामी सैःद अइज़ च़ुसिद यानैंरालाई यारातोबोलैज़्यार दी लिन्या गेथैज़्या। 12निताव मिँरालाई गेप्रभु येसु ख्रीसनी गेराअर्थैज़्या, याय़ेन सुरू सुरू दाद याभूँदी याज़ ओङारक। 13जे भन्या गेनैं गेमेंर, चाव य़ेन दान्यात जेर्सा तासैःच्यो। 14सुवाराए आव गेपरींज़्याव चिथीलाव पाँर यामाभैंःकिन जे नो मिँलाई सरेस्द ओय़ेनए ओल ज़ लाज मोर्नो घताक लिद ओलस खदेप तालिच्यो। 15खाली नोलाई सुतुर स्यासो जैन्या ते माःक, बुरू क्याँए भाइ स्यासो जैद नोलाई सिङारो ताके।
तुपैन्या पाँर
16अब प़ाइँ युँ होलाँ जैज़्याव गेप्रभुए जेलाई प़ाइँनी प़ाइँनी एकम्न्या जेयुँ होलाँ जैद ओयाचिउक। स़ोनो परमेस्वरए जेस ज़ बास ओदोवक।
17ङा पावलए ङाचिथी भरित ङासही छाप ङाझाःज़्याव मिताव आव चिथीत ब ङासही छाप झाःद ङानै। ननी ज़ ‘ओल ज़ उपरींव ओल्यो’ लिन्या सैंन्या जेले।
18जेल्योदा गेप्रभु येसु ख्रीसए उयुँ ओगराँक।
© 2015, Wycliffe Bible Translators, Inc. All rights reserved.