Populiarios Biblijos eilutės iš Yaˍkoˆ li‸ 1

Dalintis

Ngaˬ ve awˬ viˉ awˬ nyi teˇ hpaˍ-oˬ, beˬ ve lawˇ ve laiˉ ceuˬ hta‸ gʼa hpuˇ da‸ ve teˇ yanˇ ha lehˬ chehˇ-oˆ. Awˬ lawn kʼo, nawˬ hui yonˍ ve nyi ma lehˬ, lawˇ nyi ve hta‸ gʼa hpuˇ da‸ htaˇ, nawˬ hui yeunˇ hkanˍ puiˉ la tuˬ ve hta‸ nawˬ hui shiˍ ve yoˬ.

Nawˬ hui awˬ hkʼaw lo teˇ gʼaˇ gʼaˇ cuˇ yiˍ maˇ biˇ ve kʼo, Gʼuiˬsha geh lawˬ-o‸. Gʼuiˬsha lehˬ, maˇ deˇ leh chaw hkʼa peu-eˬ hta‸ maˇ chaweh hkʼe leˇ piˇ ve hkʼa shuˍ shuˍ, cuˇ yiˍ lawˬ ve chaw hta‸ ka‸ piˇ tuˬ yoˬ.

Ngaˬ ha‸ ve awˬ viˉ awˬ nyi teˇ hpaˍ-oˬ, awˬ lawn chi hta‸ nawˬ hui shiˍ cawˇ ve yoˬ. Shu tawˇ yaw ve hta‸ hkʼa deh‸ na sheˍ. Tawˇ haˆ haˆ taˇ yaw. Nyi ma haˆ haˆ taˇ zuhˆ.

Nawˬ hui teˇ ceuˬ ka‸ maˇ yawnˇ kʼai leh, teˇ ceuˬ le le awˬ hkʼaw lo hkʼa biˇ hpeh‸ la tuˬ yeunˇ hkanˍ puiˉ ve nyi ma biˇ la htaˇ hkʼa gaˬ te-o.

Nawˬ hui lehˬ, bon hkawˇ hta‸ na yuˬ leh te ve chaw hpeh‸ piˇ-oˆ. Kaˇ ve chaw ceh tiˉ taˇ hpeh‸ piˇ. Kaˇ ve chaw ceh tiˉ hpeh‸ ve kʼo, nawˬ hui a shu yawˇ awˬ to hta‸ heˍ paˍ hpeh‸ ve yoˬ.

Beˬ ve lawˇ ve hta‸ gʼa hpuˇ da‸ htaˇ, yeunˇ hkanˍ puiˉ ve chaw lehˬ, awˬ bon uiˍ ve yoˬ. Awˬ lawn kʼo, lawˇ nyi ve teˇ ceuˬ hta‸ hkanˍ gʼaˇ peuˬ hkʼaw‸ nawˉ, co ti‸ ha ti‸ shi uˉ tcuhˍ hta‸ yawˇ gʼa tuˬ yoˬ. Shi uˉ tcuhˍ oˇ ve lehˬ, Gʼuiˬsha hta‸ ha‸ ve chaw teˇ hpaˍ hta‸ yawˇ piˇ tuˬ yoˬ teh‸ kʼoˆ taˍ ve yoˬ.

Da‸ ve awˬ bon hkʼa peu-eˬ leh, biˇ ve la‸ shawnˍ hkʼa peu-eˬ, mvuhˇ naw ma lo chehˇ ve awˬ gʼeuˆ ve Awˬ pa geh ya‸ la ve yoˬ. Yawˇ lehˬ maˇ pa puiˉ. Yawˇ ve awˬ gʼeuˆ awˬ hkʼaw lo aˉ gʼuiˬ ha ka‸ maˇ cawˬ.

Tawˇ hkawˇ oˇ ve hta‸ gʼa kaˇ leh maˇ te ve chaw hkʼaˬ ve teˇ gʼaˇ maˇ kʼoˆ, mehˆ gʼeuˆ awˬ hkʼaw lo a shu yawˇ ve mehˆ hpfuhˇ hta‸ nyi ve chaw hta‸ shuˍ ve yoˬ. Awˬ lawn kʼo, yawˇ mehˆ hpfuhˇ hta‸ nyi peuˬ hkʼaw‸ nawˉ, yawˇ tawˆ kʼai leh, yawˇ awˬ ho‸ awˬ han hkʼaˬ hkʼe cawˬ ve hta‸ teˇ cawˬ haˉ leunˇ kʼai ve yoˬ.

Awˬ pa Gʼuiˬsha mehˆ gʼuˇ suhˍ cha‸ chiˆ ve maˇ cawˬ leh da‸ kehˬ ve oˉ kʼoˍ pui ve awˬ liˇ lehˬ chi hkʼe yoˬ. Yaˇcuˬshi leh mehˇchawˇma teˇ hpaˍ gʼa tu‸ gʼa hkanˍ ve teˇ yanˇ, yawˇ hui hta‸ nyi ha‸ shaˉ leh, a shu yawˇ awˬ to hta‸ miˬguiˬ ve cha‸ chiˆ ve teˇ hpaˍ maˇ gʼa ngawˉ tuˬ gʼa faˬ taˍ ve yoˬ.

Venˇbaˆ beˬ ve hta‸ gʼa hkanˍ ve teˇ yanˇ, Gʼuiˬsha ngaˬ hta‸ beˬ chehˇ ve yoˬ teh‸, teˇ gʼaˇ ka‸ taˇ kʼoˆ. Awˬ lawn kʼo, haiˬ ve awˬ ceuˬ Gʼuiˬsha hta‸ beˬ maˇ hpeh‸. Haiˬ ve te tuˬ Gʼuiˬsha chaw teˇ gʼaˇ hta‸ ka‸ maˇ beˬ. Hkʼaˬ ve chaw teˇ gʼaˇ maˇ kʼoˆ, a shu yawˇ sheˉ lai puiˉ ve nyi ma lehˬ, venˇ baˆ te tuˬ yawˇ hta‸ heˍ yuˬ beˬ yuˬ chehˇ ve yoˬ.

Shu awˬ hawˉ lo chehˇ ve awˬ viˉ awˬ nyi teˇ gʼaˇ gʼaˇ, awˬ me‸ awˬ hponˇ cawˬ ve chehˇ kuiˬ awˬ hkʼaw lo gʼa chehˇ ve kʼo, yawˇ ha lehˬ cawˇ ve yoˬ.