Populiarios Biblijos eilutės iš ROM 1

Dalintis

येनटीक की नाक ख्रिस्त येशुन सुवार्ताद घोषणा शेशेदेंक शिग्गु काद दिनिचांग की आदी विश्वास फेटेतोन प्रत्येक मनशी इचांग, पहिला यहुदी मंदी इचांग इंगा यहुदी लेनोर मंदी इचांग, तारण शेशेदेंक परमेश्वरदी सामर्थ्य उंडाद

येनटीक की दान तीकेल परमेश्वरदी नितीमत्व विश्वासता विश्वास इचांग प्रगट आयताद येनटीक की इल्ला पवित्र शास्त्रला इल्ला राशीनेद उंडाद की, “नितीमान मनशी विश्वासता जगाशी.”

येनटीक की परमेश्वरी याय गुणलु कमसाव आंटे वानदी सार्वकालिक सामर्थ्य इंगा परमेश्वरत्व, दुन्याम उत्पत्तीनोट शेशीने माटला मिंदकेल स्पष्ट कमस्ताद, इड नंताक की वार निरुत्तर उंडार.

येनटीक की वार परमेश्वरनी गुरतु फट्टीगास पण वार वानकी परमेश्वर आंका मान इयालेद इंगा धन्यवाद इयालेद. पण वार व्यर्थ विचार शेशेदेंक आंटीर इंगा वारदी निर्बुद्ध मन अंधकारता निंडी फोया.

येनटीक की वार परमेश्वर सत्यन बदलाशी असत्य बनाय मतकाडीर, इंगा यवाड दुन्याम बनायमत्या वान इडशी दुन्यामदी उपासना इंगा सेवा शेशीर. वाड निर्माण शेशेतोड तर युगानयुग धन्यवादीत परमेश्वर उंडाड. आमेन.

परमेश्वरदी कोफाम तर आ मंदी आन्नी वाईट फनुला मिंदा इंगा प्रत्येक वाईट माटा मिंदा स्वर्ग लोन्केल प्रगट आयताद, यवार सत्यन अधर्मता वत्ती फेटतार.

दिनिचांग परमेश्वर वारनी निर्लज्ज वासनाल अधिन शेशा; इड नंताक की वार आंड्योर पण मोगुन जताक संबंध फेट्टेद इडशी आंड्योर जताक संबंध फेट्टेदेंक आंटीर; इंगा आल्ले मन्सुल पण आंड्योर जताक संबंध फेट्टेद इडशी, वार वासनालला फडी कालेदेंक आंटी मन्सुल मन्सुला जताक सबंध फेट्टीर इंगा वार इ दुष्कर्मलाद फळ भोगाशीर. इंगा वारकी परमेश्वरनी गुरतु फट्टेद लेकुंड्या आंका परमेश्वर पण वारनी वाईट माटलु शेस्का उंडेदेंक भ्रष्ट मन मिंदा इडस्काड्या.

वार स्वतान ज्ञानी समजाशी मुर्ख आय फोईर. इंगा अविनाशी परमेश्वर गौरवनी वार नाश आय्ये मनशी, इंगा पक्षील इंगा नालुंग काळाता नडशे जीत्रापलु इंगा भुमी मिंदा दोग्गुका फोये प्राणीला स्वरुपला अदला बदल शेशीर.