Populiarios Biblijos eilutės iš Yohana 16

Dalintis

Ntsivalonje ndongwa itsi ili muve na wusichimafu kwa kihantsa na heni. Mukukodeka mu inyi, lechelelo mwikangatsaje numbula tsenyu! Heni mwanga ntsitsisumile katsi ntsibi tsa muinyi!”

Hoakuva kutsa uyo Muhe va Mulungu yo agubulaga wukweli akuvalongotsa ku wukweli weka, kwasawuli siakulonga kwa kugana mwene, kwasawuli akulonga ndongwa tso ahuliche, na akuvalonjela ndongwa tsa kulutalo.

Nambe sambi mung'acha kusuka chinu chochive kwa mamulaka gangu. Musuche nanye mukupelwa ili wuhechelelo wenyu wukwile.

Lechelelo ntsinguvalonjela wukweli, chiba heni mbuche, kwasawuli manyi heni ndeche kuwuka Mutantsi siakutsa kwenyu. Lechelelo manyi heni mbuche, iho ho ngumutuma kwenyu. Nayo uyo Mutantsi ho akuva kutsa, akuvalajila vanu va inyi tseka kuta van'dita ndongwa ntsibi, na hila vanu fyo vakidichilwa na Mulungu, na hila vanu fyo vakuhingwa na Mulungu.

Henye sambi mun'wona wuvafi, lechelelo hongutsa kaha henye mukuva na wuhechelelo munumbula tsenyu, na wuhechelelo uwo kuduhu munu siakuvetsa kuwuhetsa. Siku iyo simukusuka chinu chochive. Ntsinguvalonjela wukweli kuta chinu chochive cho mukusuka kwa Dada vangu kota fyo ntsin'gana heni, nayo akuvapela.

Ntsinguvalonjela wukweli kuta, henye mukuvemba na kukalala, lechelelo vanu va inyi vakuhechelela, kukalala kwenyu kukugaluka kuva wuhechelelo.