1
Mat 7:7
Daut Niee Testament (Plautdietsch)
DKB
Froacht, un junt woat jejäft woaren; sieekjt, un jie woaren finjen; klopt aun, un junt woat opjemoakt woaren.
2
Mat 7:8
Wiels een jiedra, dee doa frajcht, kjricht, un wäa doa sieekjt, finjt, un wäa doa aunklopt, däm woat opjemoakt woaren.
3
Mat 7:24
Doawäajen, een jiedra, dee dise miene Wieed hieet un deit dee, dän well Ekj met eenem kluaken Maun vejlikjen, dee sien Hus opp dän Steengrunt bud.
4
Mat 7:12
Aulsoo, aules, waut jie wellen, daut junt de Menschen doonen sellen, daut doot jie äant uk; wiels daut es daut Jesaz un de Profeeten.
5
Mat 7:14
Wiels de Puat es enj un de Wajch es schmaul, dee toom Läwen fieet, un daut sent weinich, dee dän finjen.
6
Mat 7:13
Got derch de enje Puat. Wiels de Puat es wiet un de Wajch es breet, dee en daut Vedoawen fieet, un väle sent daut, dee doa nengonen.
7
Mat 7:11
Wan jie nu, dee jie bees sent, weeten june Kjinja goode Gowen to jäwen, wooväl mea woat jun Voda em Himmel deejanje goode Dinja jäwen, dee Am doano froagen?
8
Mat 7:1-2
Recht nich, daut jie nich jerecht woaren. Wiels met daut Jerecht, wuamet jie rechten, woa jie jerecht woaren; un met de Mot, wuamet jie mäten, woat junt jemäten woaren.
9
Mat 7:26
Un een jiedra, dee dise miene Wieed hieet un deit dee nich, woat met eenem tierichten Maun vejlikjt woaren, dee sien Hus opp dän Saunt bud.
10
Mat 7:3-4
Oba wuarom sitst du dän Spletta, dee en dien Brooda sien Uag es, oba dän Baulkjen en dien ieejnet Uag moakjst du nich? Ooda woo kaust du to dienem Brooda sajen: Lot mie dän Spletta ut dien Uag trakjen, un kjikj, een Baulkjen es en dien ieejnet Uag?
11
Mat 7:15-16
Seet junt väa ver de faulsche Profeeten, dee en Schops-Kjleeda no junt komen, oba ennalich sent see rietende Wilw. Aun äare Frucht sell jie äant erkjanen. Saumelt eena Wiendruwen von Dornen ooda Fiejen von de Distlen?
12
Mat 7:17
Jrod soo, een jieda gooda Boom brinjt goode Frucht, oba een schlajchta Boom brinjt schlajchte Frucht.
13
Mat 7:18
Een gooda Boom kaun nich schlajchte Frucht brinjen, un een schlajchta Boom kaun nich goode Frucht brinjen.
14
Mat 7:19
Jieda Boom, dee nich goode Frucht brinjt, woat aufjehakt un en daut Fia jeschmäten.