Populiarios Biblijos eilutės iš Ruma 5

Ama Bizlaf taghalahəji, avaŋgəy abə a kamayahəji: Kərist tamca tə aska ŋkwa, azha ndə həji va a ɗa həji ma ɗal mpət aagi kwagwa.

Azha, tsa deŋ ta lima səkən watsa a kaghut ala səku, ara ndə a ɗa, Bizlaf tatsa mayha tə ka a wəzaha a ꞌunəf takwa gwara ara Miɗ ma ghwaɗeɗe ndə a vəlahəji.

Təwah tə ci, həji abə ɓas, kwa ndə həji kasa yaka. Ara ndə a ɗa, həji kasənə ci: yaka watsa ana ma kavəlahəji ŋcah a nda atama, ndə ala kaŋcah ya, a ndza abə deŋ ŋkwaɓ ŋtaɗ, kwa a ndza a yaka aagi. Ala ma kandza abə deŋ ŋkwaɓ ŋtaɗ ci, a ndza abə tsa deŋ a lima səkən.

Ayəw, həji tabəw takwa a həji ma dəlili aagi atama Bizlaf dawna ɗal awa, azha anawatsə həji ndza abə təwah abə Bizlaf gwara ara Bay Madagal takwa Yesu Kərist. Gwara ara Yesu, abə ɗal awa, həji talima təf a lima sənma Bizlaf ndə həji kandza a mən katkadək. Səkən ma kavəlahəji ɓas ci, tsa deŋ takwa ka a həji alima mavəy sləf takwa a sləf Bizlaf.

Ayəw, avandza tiɗa ndə həji va a ɗa həji ŋkulaf aagi kwagwa ci, Kərist tamca tə aska həji ma gamak aagi, ata vah ndə Bizlaf a gar ka.

Anawatsə, ndə a vəla ha tə a mci, həji tabəw takwa a həji ma dəlili aagi atama Bizlaf. Azha a ɗa gber, Kərist a arehaŋkwa bəza yəm ara ghuɗek Bizlaf.

Ambəɗa tə ci, ala ŋtaguleŋ ana ma ŋkula a hawanə a Bizlaf, azha həji aagi vərəm aa tabəw ta a həji mpət aagi. Andza ikwa yəm, ndə ala ŋtaguleŋ a hawanə, azha həji aagi vərəm aagi abəw ta a həji ma dəlili aagi.

Səkən pa a dəy zhana ci, ɓas takwa a ndza a Bizlaf gwara ara Bay Madagal takwa Yesu Kərist, ndə həji lima dzəv ma abə Bizlaf ata la ma ŋtaguleŋ anawatsə.