1
انجیل مَتّی 22:21
کتاب مقدس به زبان اچمی لارستان
LAB
اَگَه ایمون تُبِه، هر چی تِی دعا تُبِئِه، اُ دست داری.»
2
انجیل مَتّی 21:21
عیسی شُ آنایا جواب دَ: «حکیکتاً اُ شما اَگام، اَگَه ایمون تُبِه و شک نِکنی، نِه فَکَط تاشابِه چِی که اُ سِرِ اِ درخت انجیرا اُمَ اَنجوم هاتی، بلکه حتی اَگَه اُ اِ کاوا بِگائی: ”از جا کادَ بِش، اُ خوت تِی دریا هُبی،“ اینا اَبِه.
3
انجیل مَتّی 9:21
جماعتی که جلوتَه از عیسی اَچِدِت و جماعتی که از پشتِ سِرَش داندِت، کال شواَکِه و شواَگُت: «نجات هادِ، پُسِ داوود پادشاه!» «مُتبارکِه آناکِه وَ اسم خداوند اَدا!» «نجات، تِی آسِمونِ آسِمونیا!»
4
انجیل مَتّی 13:21
و شُ آنایا گُت: «تِی کتاب اِشعیای پیغامبر نوشتَه بُدِ که، ”خونَهِ ما خونَهِ دعا خوادَ اَبِه،“ ولی شما آنا ’لونَهِ دُزیا‘ تُکِردِ.»
5
انجیل مَتّی 5:21
«اُ دُتِ کاوِ صَهیون، یعنی اُ اورشلیم بِگائی، ”بِبِن! پادشاهُت تُحَد اُندا، اُفتادَه و سُوار الاغی، آنا سُوار کُرَّه الاغی اُندا.“»
6
انجیل مَتّی 42:21
عیسی شُ آنایا گُت: «مَ هِسوَخت تِی کتاب زَبور تُنِخوادِ که، «”مِ سنگی که معماریا رَد شُکِه، سنگ اصلِنِ ساختِمون بُدِ. خداوند اینا اُشکِردِ و تِی نظر اَما عجیبِه.“
7
انجیل مَتّی 43:21
پَ اُ شما اَگام که پادشاهِنِ خدا، از شما گِرِتَه اَبِه و اُ مردمی دَدَ اَبِه که ثَمَرَهِ آنا هاتِت.