Populiarios Biblijos eilutės iš نامَه دوّم پِطرُس 1

کُدرت الهِنِ آنا، هَمَهِ چِی‌یَی که اَسِی زندگی و دینداری لازمِه، شُ اَما دَدِ. اِ اُ واسطَهِ شناخت آنائِه که اُ اَما شُ جلال و خَشِنِ خوش دعوت کِه. که اُ وسیلَه اِیا وعدَه‌ئِی کیمَتی و بُری گاتُش، شُ اَما دَدِ، تا اُ واسطَهِ آنایا شریک طبیعت الهی بی و از مِ فسادی که تِی دنیا وَخاطر میل اُ گناهِه، بِگُروخی.

وَخاطر هَمِ، شما تَموم سعی‌تو بِکنی که اُ ایمونتو خَشی اضافَه بِکنی و اُ خَشی شناختا، و اُ شناخت خودداریا، و اُ خودداری پایداریا، و اُ پایداری دینداریا، و اُ دینداری، محبت کاکَ بِراسِئی، و اُ محبت کاکَ بِراسِئی، محبت کِردَ.

اَسِی که اَگَه اِ خصلتیا تِی شما بِه و بِشتَه هم بِبِه، ناهِرِت شما تِی شناخت خداوندمو عیسی مسیح، بی‌فایدَه یا بی‌ثَمر بی.

پَ اَی کاکَیّا، هرچی بِشتَه سعی بِکنی تا دعوتتو و انتخاب بُدَتو ثابت بِکنی، اَسِی که اَگَه اِ خصلتیَه‌وا اُ کَر بِبری اصلاً نافتی.