Populiarios Biblijos eilutės iš نامَه اوّل پِطرُس 3

بلکه تِی دلتو خداوند مسیحا که کدّوسِه حرمت بِکنی، و همیشَه آمادَه بی تا هرکَه دلیل امیدی که تِی شمائِه بِپُرسِه، جواب مِ آداما هاتی، ولی بازَم اِ کَرا وَ آرومی و احترام اَنجوم هاتی. وجدانتو پاک نِگَه بِکنی تَ وَختی اُ شما تهمت اَزنِت، کسِی که از رفتار خَشتو تِی مسیح بَد اَگائِت، خَجالَت زادَ بِبِت.

اَسِی که چَشِی خداوند لِی آدامِی صالحِه و گاشیاش لِی دعائیاشو وازِه، ولی لوی خداوند وَ ضد آدامِیِه که بَدی اَکنِت.»

مَهِری جُهُنیتو تِی چِی‌یَی ظاهری، چُنِ بُشک بَلُکِ و طلا بِستَه یا جُمَه‌ئِی گِرو اُبار کِردَ بِه، بلکه بِهِری جُهُنیتو تِی مِ انسان دَرونِنی بِه که تِی کَلبتو از چَشیا پِنهونِه، که خاد جُهُنِنِ از بین نِچِدَنِنِ یَک روح لطیف و آرومِه، که تِی چَش خدا بُری کیمَتیه.

اَسِی که، «هرکَه شَئِه خاطر زندگیا اُشبِئِه و رازِی خَشا بِبِنِه، بِهر تَ جلووِ زابوش از بَدی بِگِرِ، و کَپُش اَسِی گول زادَ واز آنِکو. بِهِر تَ اُ بَدی پُشت بِکو و خوبی بِکو بِهِر تَ اَزدُمبالَهِ صلح و سلامتی بِه و اَزدُم آنا اُچِه.

آخر کَر، هَمَتو همفکر و همدرد بی، محبت کاکَ بِراسِئی تُبِه و دل رحم و اُفتادَه بی. جواب بَدیا وَ بَدی و دُشموئا وَ دُشمو مَتی، بلکه بر عکس، دعای برکت بِکنی، اَسِی که شما اُ اِ کَرا دعوت بُستی تا برکت نصیبتو بِبِه.

اَلَه اَگَه اَسِی چِی که خَشِه غیرت تُهَه، کِی که اُ شما ضرر بِزاد؟

بِهِر تَ اُ بَدی پُشت بِکو و خوبی بِکو بِهِر تَ اَزدُمبالَهِ صلح و سلامتی بِه و اَزدُم آنا اُچِه.

اَسِی که اَگَه خواست خدا اِ بِه، بِهتَئِه که اَسِی خوبی کِردَ عذاب بِکَشی تا اَسِی بَدی کِردَ.