Populiarios Biblijos eilutės iš Ruum 11

Dalintis

Do kasangkat do onuu nopo nga vinorun do Kinoringan, om kasaangkat diri nga jagaanJo kaandai-andai do mantad di kuasaJo om kasaangkat diri nogi nga koontodon do rojoon Isido. Rojoon tokouno i Kinoringan gosob do auso koovion! Amin.

Okonko naalang-alang i kakayawo do barakat di Kinoringan! Om okonko susuuton i kopintaroJo om i toilaan Disido! Isaaipo nga au kosonsod di natantu do vaalonJo. Om isaaipo nga au kaarati di gaagayaJo.

Kivaro tangar siri Kitab do ka, “Ausoi koilo nong potingkuro i Tuhan minsoromo. Om auso iiso kadapat monosiat Disido.

Om irad nogi dino iti do maino do kivaropo okuuyak iri noolu di tulun nopili do Kinoringan, irino tulun Israil, sabap opuavang Isido mamarakat diolo. Jadi nong irad dino do nopili i tulun sabap do opuavang i Kinoringan mamarakat diolo, nga okonko sabap di gaagaya di tulun do aandai. Do nong nopili di Kinoringan i tulun sabap di gaagayajo do aandai, iri gaagaya di Kinoringan do opuavang mamarakat nga okonko oinomod do opuavang.

Nga nosopino i piipiro raan do joitun di piniara, irino i tulun do Joudi, om pokowino i tolid mantad di guvas joitun di okonko nopiara, do pinakawin siri guvas joitun di piniara. Om ikano tulun di okonko bansa Joudi nga irad di tolid di guvas joitun di okonko nopiara i pinakawin, supaya kaanuko di vonod do kovijaan mantad si gamut do guvas joitun di piniara. Nong irad dino, adako lumobi-lobi diri raan do joitun di piniara. Nga nong lumobi-lobiko om ondomono marong do okoniko ika kinumuut di gamut, nga ika nono kinuutan di gamut.